幫梁靖琪做姊妹嘅阿佘，當晚撞正前緋聞男友吳卓羲。阿佘姣功了得，難怪張馨予奪命 call男友。

大陸女星手段犀利！繼林峯被潘霜霜的自拍牀照玩到謝後，兄弟吳卓羲一樣被爆乳女星張馨予，纏到轉。
12月 6日晚，吳卓羲參加前緋聞女友 Toby（梁靖琪）的婚禮，事後更與舊相好佘詩曼直落狂歡，玩到凌晨都唔願走。不過，吳卓羲風流快活之際，女友張馨予卻打翻醋埕，入侵男友微博，上載牀照示威反擊。
事件發生後引起軒然大波，吳的 fans瘋傳鬧爆，搞到吳卓羲急急刪掉相片之餘，更驚到連翌日宣傳活動都缺席。有傳兩人感情亮紅燈，女方有心玩 嘢，實行一拍兩散！



當晚阿佘飲到腳步浮浮，要由郭秀雲及蔡一傑十指緊扣護送上的士。

曾經食女無數的吳卓羲，溝花旦歷史一籮籮。不但溝掂阿佘，亦曾與梁家樹之女 Toby傳緋聞，不過去年他終於被內地 36F爆乳女神張馨予收伏，女方更不時上男方寓所帝庭園短敍。
一向愛蒲的吳卓羲，當然不會為一棵樹放棄整個森林。 11月 6日晚，吳卓羲參加 Toby的婚禮。據知晚宴後，他跟大隊到了中環的「 fly」狂歡，席間還有與他 07年發生「屈佘」事件的緋聞女友佘詩曼，兩個蒲精結合，難怪女友張馨予打翻醋埕。
「當晚阿佘勁開心， 喺婚宴已經飲到貓晒，而吳卓羲亦飲到面紅紅。佢兩個不嬲都一齊蒲，之後咪跟大隊齊齊去 after party囉。兩杯落肚，佢哋身體接觸就梗係有。吳卓羲玩到凌晨三點左右，突然就急急腳 喺後門走 咗。」
其實，吳卓羲近日曾在友人面前呻女友張馨予太黐身。 Toby婚宴當晚，據知未夠十二點，張馨予已經奪命追魂 call急召男友，但吳卓羲懶理冇回覆。直到凌晨三時許，無 綫的經理人收到風，得悉張馨予在吳卓羲的微博上放上牀照，即急急通知他。本來玩得興起的吳卓羲，惟有撇下阿佘走先，趕返屋企處理。

凌晨玩嘢

吳卓羲唔聽電話，張馨予一怒之下，竟然喺凌晨 55分 click入男友嘅微博帳戶，擺放自己嘅牀照，更玩嘢留言：「很累……頭好痛。」約 3小時後，吳才得悉，剷走微博。




 

炒大鑊冷戰



樂易玲為吳卓羲缺席解畫，又話藝人拍拖好平常。

「張馨予早前為拍電影《喜上加囍 2012》來港，趁內地沒有工作，曾在男友屋企打躉。但其實十月開始，佢哋已經開始成日嗌交，不時冷戰，阿 Ron仲提出過分手㖭！」
張馨予一早知吳卓羲個底花，深知唔 mark實對方，戀情將會凍過水。據知張馨予利用吳卓羲微博放牀照後，吳已第一時間將照片剷走，並向高層樂易玲報定案。
12月 7日，吳卓羲本來要出席《名媛望族》跳舞綵排，但他卻請病假避鋒頭。席間樂易玲幫他解畫︰「佢（吳卓羲）打 咗俾我。（佢係咪詐病？）唔會！真相好簡單，尋晚佢去 咗 Toby嘅 after party。張小姐打 咗好多次俾佢，佢聽唔到電話響，個微博密碼係俾 咗張小姐。（張馨予點解咁做？）阿 Ron話女方想佢關注佢多 啲。（覺唔覺得女方跣佢？）冇咁嚴重！幾好 吖！幫我 哋宣傳。（怕唔怕影響形象？）佢有乜形象！咁叫佢改密碼囉！」
吳卓羲玩龜縮，而同日本來要在北京出席電影《不怕賊惦記》的張馨予，則聲稱北京大霧，滯留深圳，有記者致電她，她嗚咽說：「不想回應。」換畫經驗豐富的吳卓羲，今回與機關算盡的大陸妹交手，明顯唔夠班。

07年屈佘

07年 1月，本刊拍到佘詩曼鬼祟屈在吳卓羲後座。吳揸溝女戰車 Audi，以 140公里飆車載阿佘到港澳碼頭開工，而落車嘅阿佘好似啱啱瞓醒咁。



 

微博發功有前科

大陸女星張馨予，憑 36F爆乳在網上成名。自搭上吳卓羲後，更不時在微博傳情。緋聞效應下，她在港人氣急升，最近更接拍了無綫的賀歲電影《喜上加囍 2012》，曝光率大增。


 

暗示情變
今年 10月，張馨予在微博發博文︰「女人最大的錯誤就是，以為自己真的可以另(令)他改變。」之後又再發博文︰「我要更快樂，就算沒有他。」當中更加上一張自拍流淚照，暗示兩人情變。



《蘋果日報》圖片

賀男友牛一
今年 9月 2日，張馨予在自己微博公然寫上「生日快樂！」，事後她被問戀情時直言吳卓羲確實鼓勵到她，更強調冇借男方上位。

情侶裝示威
今年 4月，有傳吳卓羲偷嗒馬賽，張馨予立即在微博反擊，把兩人穿同款服飾的情侶裝照片上載。




 

自拍照爆戀情
去年 11月，吳卓羲在夜店與張馨予撻着後，張即在微博上載自拍照，背景與吳卓羲家中梳化不謀而合，暗爆戀情。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄