為了證明隆胸後毋須再托， Jeana索性半裸，齋用雙手遮點示範，不倒胸的效果相當明顯，她說：「事業線好強！」

靠寸嘴上位 22歲模 Jeana（何佩瑜）早前被爆秘密睇二千萬豪宅和速擒新仔，是非多多。為求見報，即使早前被圍插五官突變，她決定食住上，承認割雙眼皮和啪針瘦面，一於做埋整容代言人，得就。
一直辯稱真材實料的 Jeana，最近再去隆胸，在每邊乳暈開刀，共塞兩磅矽袋， 33C不倒胸再升一 cup。 Jeana今次玩坦白認隆胸，除了穩袋七位數的代言酬勞外，更揚言隨時可以挑起男人性慾：「想佢哋一手揸唔晒。」一副戰鬥格。

去年 Jeana還是「新八模」時屬微波一族，不過到今年單飛出寫真， Jeana明顯升 cup，她自稱靠胸墊托出不倒胸，謎底得佢先知。



去年微波《蘋果日報》圖片

今年辯稱靠托《蘋果日報》圖片

裸到盡的 Jeana，上圍無時無刻違反地心吸力，寫真更頁頁不倒胸，神乎奇技之餘亦同時被質疑屬假胸，對此她死撐：「你估睇馬戲咩？真係靠墊同 push up bra谷出嚟！」她更自爆早前秘密到「變靚 D」進行隆胸手術，在乳暈開刀塞矽袋，令原本有 33C不倒胸的她，進化成 34D假胸。



簽署文件接受手術前，醫生先要向 Jeana講解矽袋的質料和重量。

Jeana希望隆到 F cup，於是醫生叫她將 F cup矽袋放在浴袍內體驗一下效果，但試放之後，矽袋就立刻跌出來。

逆母親意思

由疑似假胸到擺明假波，當然要衝破不少心理關口， Jeana卻甚看得開，她說：「講真我隆之前都已經俾人話，不如索性豁出去。我覺得自己嘅線條可以再完美啲，身材有爆炸性啲，隆大一 cup係要全世界啲男男女女都望住我，想佢哋一手都揸唔晒！做得呢行都係想多啲人留意，我覺得自己做到。」隆胸無罪，但 Jeana的家人至今仍然反對，她更試過為此事與母親冷戰，「身體髮膚，受諸父母。佢哋當然唔想個女喺塊面打幾十針，跟住又喺乳暈開窿啦！我說服佢哋好耐，猛同媽咪講假胸都可以餵人奶。呢排佢哋冇再為呢件事出聲，但我知佢哋心入面仲係反對，只可以同佢哋講一句 Sorry。」

F Cup目標

既然 Jeana為博這鋪連家人也不顧，所以她第一次與隆胸醫生會面時，就十分大貪，期望整到 F Cup，「反正都整，一定要整到人冇我有咁先矜貴。我開頭係有要求整到 E或 F，不過醫生唔建議，話我骨架細，擔心我負荷唔到，所以整住 D Cup先。」經過大半天的手術， Jeana假胸大功告成，「做完之後傷口有少少腫，瞓覺要就住唔可以打側瞓。不過呢啲痛好濕碎，我依家一耷低頭好似帶咗 3D眼鏡咁，覺得好滿意，大家可以考慮搵我拍 3D戲，起碼慳番啲製作費。不過我唔排除自己會再拆再整，總之目標係 F cup，希望 30歲之前做到。」



日按假胸兩次Jeana在隆胸後頭半個月，需要穿上類似 bra的塑形內衣固定胸型，每天更要按摩假胸兩次，「我愈按愈挺！」

上周有人目睹 Jeana現身大圍一個新樓盤睇樓，明顯靠胸暴富，她說：「我仲係搏殺期，希望身家同 cup數成正比！」《蘋果日報》圖片

娜姐明寸爆波

一向和 Jeana有心病的周秀娜，對於 Jeana今次隆胸，她說：「吓！佢隆胸呀！就住整先好喎，因住爆！佢整咩都唔輪到我反對，不過如果本身有就唔使整囉！冇嘅話都可以考慮嘅！（佢話想男人揸唔晒！）有啲咁嘅事，不過我本身好忙，下次得閒我先約佢驗。」而去年亦做過同款手術嘅莊思敏，就對 Jeana今次隆胸甚有保留，她說：「我唔信佢依家先做，之前佢一直都硬㗎喎！佢整到咁大，撐到啲衫闊晒，真係冇必要。我當然唔反對任何人隆胸，不過要夠用囉！大過自己個頭就無謂喇！」
對於再遭同行圍剿， Jeana就說：「唔係話驗就驗，我都好忙，叫周秀娜同公司約個時間先啦！我夠膽認就預咗俾人講，不過大家鬧還鬧，唔好又靜雞雞走去整，要整就 call我，等我幫佢哋攞折啦！」一於針鋒相對。



Jeana與拍拖年多的圍村男友瀕臨分手邊緣，她說：「呢個階段唔使同佢交代我做啲乜！」《 Face》圖片

有指 Jeana近日速擒大隻新歡 La Ying，對於 Jeana隆胸， La Ying說：「我隻手夠大，希望有機會欣賞下。」《蘋果日報》圖片

娜姐：因住爆！


Jeana今年中宣傳寫真時，曾寸娜姐年紀大而觸怒對方。因此當娜姐得悉 Jeana隆胸，便還以顏色：「因住爆！本身有就唔使整囉！」

莊思敏：佢一直都硬


去年 8月隆胸，由 A變 C的莊思敏，對於真假，她有獨特睇法，她說：「唔信佢依家先做，佢個胸一直都硬㗎啦！」

整完再整冇問題

今次 Jeana以水滴形矽袋隆胸， Dr Reborn專業醫生整容中心高級整容顧問 Emily Yau說：「水滴形比較啱女性胸形，視覺同質感都比較自然。隆胸要全身麻醉，我哋建議手術後要休息三至四日，基本上隆胸後嘅女士可以餵人奶，唔會 check唔到有乳癌，只係有手術後傷口發炎嘅風險，但護理好啲就冇事。」
至於隆完再隆， Emily稱基本上是沒有問題，她說：「只係將舊有假體拎出嚟，再攞一個新而唔同 size嘅假體放落去，係手術時間會長啲啫，比一般多 45分鐘。」



切口

Jeana今次在乳暈位置開了近 1cm的傷口，然後將每個一磅的矽袋，分別塞入兩邊乳房。由於乳暈顏色較深，疤痕並不明顯。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄