婚後雖然多次表示唔打算生，不過老爺奶奶思想傳統，周慧敏為老人家歡喜，態度軟化，打算博多一年追仔。

愈接近龍年，娛圈喜事就愈多，除了陳慧琳肯定懷有龍 B之外，劉德華太太朱麗倩、楊千嬅以及樂基兒亦先後傳有喜，一班三十尾四十頭的藝人都把握機會做父母。而現年 44歲的周慧敏，日前出席活動時卻表示滿足現狀，與丈夫倪震有共識，不打算生，還表示不介意領養小孩。
縱然周慧敏言辭上表示不會懷孕，但據知去年年中她曾經改變初衷，一心諗住為倪家繼後香燈。而上月有讀者更致電報料，指在兩星期內目睹周慧敏獨自一人兩次出入養和婦產科。看來她亦希望作最後衝刺造人，難怪倪震發現有記者在寓所附近出現會緊張萬分。

日前周慧敏盛裝出席活動，被問到娛圈喜事連連，她說：「恭喜，好開心佢哋想要嘅發生咗。」再問到幾時輪到她？周慧敏淡然說：「暫時唔想改變，依家嘅生活同老公想法一樣，而且長輩冇俾壓力，呢方面好尊重我。雖然老爺鍾意小朋友，但老爺、奶奶同媽媽都好支持我哋。我同老公都係基督徒，上帝造我哋出嚟，讓我哋結合，可能有佢目的，未必與小朋友有關。」



年屆 44歲的周慧敏，身形一向 fit到漏，不過上周四活動當日她一轉身，竟出現肚凸情況。

現身半小時已穩袋 5萬酬勞的她，識做地主動走近門口讓 fans拍照，吸引近百途人迫爆街。

倪生倪太於婚後雖表示不願生育，但仍到醫院雪藏卵子作後路，隨時為倪家繼後香燈。

09年 5月周慧敏被本刊發現到養和醫院，檢驗完一臉疲態緩步走出醫院門口。

去年傳懷孕



老公因啜爆大陸妹張茆哄動全城，最終要結婚收科。經歷風雨的兩人，婚後於人前表現恩愛。《蘋果日報》圖片

事實上，周慧敏自 09年初與倪震低調結婚後，起初一直未考慮過要生小朋友，但為求保險，當時亦聽從朋友建議，到養和醫院雪藏卵子備用。去年中曾經一度傳出她懷孕消息，當時周慧敏幾乎足不出戶，甚至老爺倪匡亦未有否認，惟最後卻好夢成空。「上年中嗰幾個月， Vivian（周之洋名）好少約朋友出街，家中上下都既興奮又緊張，原本 Vivian應承咗做老死黃凱芹嘅演唱會嘉賓，後來仲突然辭演㖭。所以雖然佢好口密，但啲朋友都喺度諗，佢嗰次應該真係有咗。不過之後佢同倪震返教會，又唔見佢肚凸。 Vivian仲同不少相熟教友傾訴心事，又問對方有冇補身秘方。」一位知情者說。

望圓兩老心願

周慧敏如此心急懷孕，除了因為自己已 44歲，能成功懷孕亦屬高齡產婦外，亦深知老爺倪匡和奶奶都恨抱孫，年邁的奶奶月前更患重病。故此近月周慧敏定時睇中醫補身外，亦不時到醫院檢查，希望養好身體懷孕。
日前有讀者更報料指，上月目睹周慧敏先後兩次獨自一人在下午時段秘密現身養和醫院婦產科，逗留不足一小時便離開。知情者說：「其實 Vivian本身都唔抗拒有 BB嘅，只係一直都想順其自然，不過見老爺奶奶咁恨抱孫，都想圓老人家心願，所以諗住努力埋下年，睇吓生唔生到龍 B。如果未能成功懷孕，至會考慮領養小朋友。」
上周，周慧敏在活動上亦坦言曾有領養小朋友的考慮，「我開放啲，可能領養啩，或者要有適合嘅時機啦！」



倪家兩老膝下只有倪震一粒仔，兩老曾開到口喜歡小朋友，為兩老開心，周慧敏去年曾態度軟化，一度傳出有喜，可惜中空寶。《蘋果日報》圖片

跟周慧敏識於微時的黃凱芹於 06年開騷，女方復出為好友撐場。據知去年周慧敏曾一口答應再任黃凱芹音樂會嘉賓，最後因疑似有喜而辭演。

倪震緊張護妻

至於一向錫老婆錫到燶的倪震，對生小孩一事亦主張順其自然，毋須強求，不過就對老婆身體狀況十分着緊，不時都叮囑周慧敏要小心身體。
上周四，倪震發現記者在其跑馬地寓所附近等候，護妻心切的他亦顯得十分緊張，企喺街邊狂記者之餘，更不停打電話 call助手。不久他買完麵包又獨自返回寓所。看來倪震和周慧敏不停被追問懷孕一事，他們亦承受不少壓力。

驚青遊街

 



徒步走出寓所的倪震，原先步往養和醫院方向，警覺性極高的他，迅速發現記者鏡頭位置，過緊馬路都四圍。

沿途見有傳媒追隨，倪震即停低不斷打電話，不久即見其助手出現，並找尋記者影蹤，倪震更對着鏡頭怒目而視，老婆出入婦產科喎，當然緊張。

鏡頭撇極唔甩，倪震惟有先去買麵包，繼而於跑馬地街頭左穿右插，帶領記者遊足大半小時花園。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄