夢醒時分　張艾嘉 @ 娛樂八掛大放送★

這天的張艾嘉說，幸福，其實是，安分守己。
安分——不等於固步自封，反而是按自己的能力，處境，盡力做理想的事。
守己——是指要努力守護自己相信的宗旨理念人和事。
畢竟是有經歷的。
出身帶有濃濃的政治色彩。
早熟，緣於自小就接受美國教育。
獨立，13歲就半隻腳踩入成年人世界賺取零用錢。
漂亮，21歲加入寶島演藝圈時已憑氣質取勝。
任性，感情生活高低起伏轟烈。
好奇，唱作演導撰寫舞台劇本之外，直言還有太多想學，只恨時間不留人，晃眼60將至。
都說夕陽最美。

Agrafe白金密鑲鑽石戒指、耳環 $99,000及$76,000
Captive de Cartier鑲鑽石腕錶 $160,000
All from Cartier
黑色連身裙價格待定 Max Mara

蝸居
回頭半百之身，有太多太多經歷要同大家sharing，於是用了接近兩年時間將舞台劇走埠上演，日日踩住四吋高踭鞋做三粒半鐘舞台劇，七情六慾都要在指定時間、場口內準繩爆發，攰到腳抽筋，面皮哭笑不分，累，卻還是要繼續。
「其實，有得揀，我可以停。面對現今媒體，好多時，根本唔知講咩好。啲小朋友（記者）固然唔知問乜，因為唔知我係邊個，淨係知道張艾嘉係上一個年代嘅人物，除咗緋聞，邊有興趣聽呢啲（人生）說話。」
以為意興闌珊？原來，心中那團火，正爆得熾烈。
「我冇時間去玩一啲好濕碎嘅小遊戲！我算幸福，跨越咗幾個年代嘅電影界，去到呢個年紀，仲有人肯俾錢做嘢。今時今日，我只知道要對得住機會，在我還有能力創作時，努力，繼續。」接近兩年省接市走埠舞台劇，張艾嘉並無與香港民生脫軌，經常網上行在討論區瀏覽港人留言，睇見好多二十出頭新生代，怨自己無出息，怨份糧買唔起磚頭，怨呢世娶唔到老婆，怨打份牛工人生無希望……怨氣沖天，感覺非常奇怪。
「我都係36歲先至儲到錢買樓。」
原因是太熱愛電影，愛到像一個不能自拔的賭徒，不惜將賺回來的本利，悉數投資在下一部電影身上。
「而家啲人係咪已經俾地產商集體洗腦，定抑或社會標準已經兩極化到這個地步，買到樓，竟然會成為事業有成、幸福美滿標準？有啲人一世都無買過樓，但依然過得好幸福快樂！點解要將人生建築响虛幻夢想世界，仲要將冀望push到咁高？你今日做唔到，唔代表以後做唔到；你今日買唔到，亦唔代表呢世買唔到！逼到自己唔開心，充滿怨氣，去到一個地步，熬不住，身體就會病，仲可能會有depression，甚至跳樓，為了一層樓，有這個必要嗎？」

Panthere de Cartier白金鑲鑽石、縞瑪瑙及祖母綠項鏈 $660,000
白金鑲鑽石、縞瑪瑙及祖母綠戒指 $214,000及$121,000
Cartier Libre白金鑲鑽石腕錶 $475,000
All from Cartier
黑色西裝褸 $21,400 Loewe
黑色半截裙 $6,175 Edition 24 by Yves Saint Laurent

愛與分享
張艾嘉說，做人，千祈咪死牛一面頸，要為自己找到情感發洩輸出口，將開心不開心的事都學懂分享，自會發現，借人耳朵，更勝狂買發洩。
而張艾嘉的情感輸出口，是寶貝仔Oscar。
「好幸運，我哋之間關係，無代溝，似朋友，所以去到Oscar依家咁大個仔，仲仍然有好多偈傾。當然，我哋唔係未試過有一般媽咪同小朋友之間嘅拗撬，但最緊要學識互相包容同遷就，母子之間更加唔可以有隔夜仇。我知道，中國人家庭，好多嘢都鍾意屈响心裡面唔講出口；但我同Oscar之間溝通方法，係寧願乜都講，總好過乜嘢都唔講。因為一唔講，收收埋埋，今日唔講，後日唔講，以後就唔使講。」相信，這次，是張艾嘉親口提及寶貝仔Oscar最多的一次。

Agrafe白金密鑲鑽石戒指、耳環 $99,000及$76,000
Captive de Cartier鑲鑽石腕錶 $160,000
All from Cartier
黑色連身裙價格待定 Max Mara

放鬆
壓抑，就像一種病毒，不單止可以人傳人，還可透過大氣電波，光纖網絡，原子彈爆發一樣散布開去。
「可惜這一代，只睇到人家收成點好，睇唔到背後付出辛酸。以為成功好容易，跟住人哋腳步走捷徑就得，結果撻落嚟，跌得更痛！」
看人如是；對待自己也如是。
勉強無幸福，有時退一步看風景，說不定撥開雲霧睇得更高清呢！「唔好夾硬將自己困响漩渦裡面，唔好事事同人計算比較，你雖然唔係李嘉誠，但你亦應該有自己位置。」
張艾嘉眼中的自己，除了好奇，還太理性。偶然一時三刻腦閉塞解決不了問題，就索性乜都唔做，休息休息休息。「唔好逃避，唔好以為出個trip返嚟，所有問題就會自動解決，何必自己呃自己？！要認真面對心裡面把聲音，因為，根本，好多時答案就响你自己心中。」

Trinity三色金鑲鑽石項鏈（白金、黃金及玫瑰金）$289,000
同系列耳環$45,300/同系列手鐲$294,000/同系列戒指 $198,000
Baignoire黃金鑲鑽石腕錶 $239,000
All from Cartier
紅色荷葉邊襯衣 $8,450
Edition 24 by Yves Saint Laurent

我的人生
1973︰遺傳自母親魏淑娟的美人胚子，初出道樣子清純脫俗，帶少許baby fat，驟眼睇仲有幾分似林青霞。
1977︰與林青霞合作拍邵氏電影《金玉良緣紅樓夢》，林反串賈寶玉，她則演林黛玉，二人平分春色，係當年嘅十佳華語電影之一。
1979︰25歲時嫁給第一任丈夫劉幼林，男方比她大16歲，係當時美聯社香港分社社長，可惜這段婚姻只維持咗三年，她曾表示兩人分開係由於當時不夠成熟。
1980︰除咗拍戲，還出過幾張唱片，《也許》封面照片，竟然同容祖兒有幾分相似！
除了兩段婚姻外，仲曾經同羅大佑拍拖，兩人因合作電影《閃亮的日子》而相識，男方更為她寫歌，女方曾稱讚男方是個很有才華的人，對於兩人最終分手，她更以「緣分未到」去形容。

1981︰憑《我的爺爺》獲得第十八屆台灣電影金馬獎最佳女主角，係人生第一個女主角獎。
1982︰自小受美國教育，獨立、率直、開朗的性格，在台灣藝能界非常吃得開，經常榮登各大小雜誌封面。
1985︰坦言眾多參與作品之中，最愛劇情媲美《山楂樹之戀》的經典文藝片《最想念的季節》。
1991︰與已婚商人王靖雄相戀，未婚懷孕誕下兒子Oscar，男方辦妥離婚手續後，二人結婚，她曾透露第三者加上未婚生仔令她背負雙重壓力。
2008︰在古天樂及劉若英主演的電影《一個好爸爸》中，擔任導演。作曲、唱歌、演戲瓣瓣得，是娛樂圈真正食腦才女。
2009︰與鄭元暢合演的舞台劇《華麗上班族之生活與生存》，據講只用五日就完成創作劇本，且外界反應甚好，門票在短時間內售罄。
為Cartier拍攝Trinity系列宣傳照片，罕有地與兒子Oscar一同出鏡，溫馨感十足。