旅行旅遊西班牙巴塞隆拿 70年老店　潮買麻布鞋 @ 娛樂八掛大放送★

無得 shopping的旅程，我稱之為未圓滿，這個思想其實是有點錯，但無辦法，天生性格係咁……故此，出名只得火腿買的巴塞隆拿，出發前心裏總是囉囉攣，心生縮沙念頭。但皇天是不負 shopping人，單是做收買佬都買死我！記者、攝影︰吳美美鳴謝︰卡塔爾航空、西班牙旅遊局

時裝友吹捧手做鞋

報告！收穫豐富！嘻嘻！通常意外比預知收穫來得更盡興，而且，要買得心頭好最好耍點手段。Espadrille，雅虎字典的解釋是有麻繩底及帆布面之平底凉鞋。還記得前陣子各大時裝品牌都吹捧這類布鞋，時裝友 model一人一對着上腳，我就反璞歸真尋根源。Espadrille源自西班牙與法國邊界的 Pyrenees（庇里牛斯山），因而在巴塞的小巷內，我能找到源自西班牙內戰之後四十年代出現的「 La Manual Alpargatera」，一間售賣全人手做的傳統 Espadrille，甚至憑此手作成市內地標。推門後，眼球是自動地向左面直排的 Espadrille掃射，起碼有兩個人高，收納了數不清的顏色，由姣婆紫至軍佬綠都有。踩場當日，因天氣關係，到訪人士不多，只見一男一女密密做鞋，另一女士招呼客人，我就當然慢慢睇，拎鞋子上手，摸落紮實，用上植物纖維如大麻、黃麻，而棉花與亞麻就是製鞋面主要物料，試上腳走了兩步，比「 Con士」舒服得多囉！在此，提醒大家，若與阿姐搞好關係有偈傾，隨時有 one and only one的正貨拎出嚟，就好似我腳上的一對米白色低筒款！ Yeah！另一方面，這裏對木製品都有心得，有顧客進來要求買煙斗，睇真點，連枴杖都有，原來，老店暗地裏多元化了。

放大圖片
■已成我獨家收藏！米白色低筒款約$340

■已成我獨家收藏！米白色低筒款約$340

放大圖片
■男裝深藍色低筒款約$280

■男裝深藍色低筒款約$280

放大圖片
■不是全膠底，令散熱能力更強。

■不是全膠底，令散熱能力更強。

放大圖片
■最平的 Espadrille款式，軍佬綠約$80。

■最平的 Espadrille款式，軍佬綠約$80。

放大圖片
■我稱之為「木做試鞋器」，唔使彎晒腰咁辛苦。

■我稱之為「木做試鞋器」，唔使彎晒腰咁辛苦。

放大圖片
■你哋密密做，我哋密密買。

■你哋密密做，我哋密密買。

放大圖片
■維也納女子們好頭痕，因為買唔到想要的顏色。

■維也納女子們好頭痕，因為買唔到想要的顏色。

放大圖片

A. La Manual Alpargatera

地址︰ Carrer d'Avinyo 7, Barcelona

鐵達尼都嚟借衫　無敵靚喱士裙放大圖片
■ Nina.B手中的婚紗只是拼湊出來，隨時可以變款的。

■ Nina.B手中的婚紗只是拼湊出來，隨時可以變款的。

《 My heart will go on》唱了十幾年，我才首度拜訪 L'Arca de l'Avia好像有點遲，原因？很多電影美指或導演都會來到選戲中服，《鐵達尼號》是之一，《情迷巴塞隆拿》更來到取景！其實近門口位置已經擺了海報出來宣示主權，但請移玉步到內堂，裏面的 vintage喱士及長裙，特別在它們擁有的米黃色，花紋真係無敵地靚，是女士們的 dream dress。而店主女兒 Nina.B就介紹了自己仿造拿破崙時期的婚紗款，暫時只用針別住，因為可隨時按客人喜好更改。咁都幾好喎，況且裙款都是一千元歐元附近，價格合理到不得了。來到店舖中間位置，有其餘的 vintage衣飾，件件精絕，但掛牆的人手繡日式 Kimono及 Nina所戴的 fur帽都是當中 best picks。

放大圖片
■《鐵達尼號》都嚟借衫， win晒啦！

■《鐵達尼號》都嚟借衫， win晒啦！

放大圖片
■西班牙皇后結婚時都係用類似的頭紗款，想學佢，請到此。

■西班牙皇后結婚時都係用類似的頭紗款，想學佢，請到此。

放大圖片
■呢件 Kimono同批喱士有得揮。約$8,500

■呢件 Kimono同批喱士有得揮。約$8,500

放大圖片
■ Nina.B頭上的 vintage帽是我幫她戴的，好襯佢。約$400

■ Nina.B頭上的 vintage帽是我幫她戴的，好襯佢。約$400

放大圖片
■要走到店的盡頭先會搵到全店之寶——喱士！

■要走到店的盡頭先會搵到全店之寶——喱士！

放大圖片

B. L'Arca de l'Avia

地址︰ Banys Nous 20, Barcelona

四代帽子店放大圖片

我愛帽，特別愛到歐洲城市尋尋覓覓， Parma、 Milan等，巴塞最近亦列入 list中。 1924年開始生意，現今傳至第四代的 Sombrereria Obach，門外將帽子放滿一櫥窗，店內帽子放入木櫃內是一派老氣象，可惜帽子不是 handmade，否則矜貴度增加時我更愛。基本款式要乜有乜，畫家帽、紳士帽、禮帽等，店內角落有部小機器很有趣，店主將之放在導遊頭上，查實是老派人做帽時用來測頭圍的，但我覺得似古時拷問犯人的刑具多啲。

放大圖片
■勁似刑具的古式測頭圍工具。