又有咗？係老公有俾飽飯我食啫！（設計對白）

自從徐子淇嫁作「千億新抱」後，大家嘅視線都不由自主落喺佢個肚度！好彩，佢連生兩位千金後，終於喺今年誕下「慈姑椗」，可以停工唞吓。但早幾日李家誠拖住老婆仔去公益金活動，大家見着住皮裙嘅子淇，腹部有啲凸凸哋，又喺度估佢係咪第四度有喜？嗱，媽咪姐睇晒《法證先鋒》系列，樣樣講證據嘅！首先，「千億新抱」呢晚着緊四、五吋高踭鞋，又可以鬆開老公隻手，好大動作咁同記者 say bye，真係唔似有喜囉！就算子淇細路女唔識世界，李家誠都怕俾抱孫唔嫌多嘅「四叔」扭耳仔啦。

之後，睇番上月頭「千億新抱」出活動嘅相，個肚似乎真係無咁凸，但望真啲，條腰查實咪一樣圓圓哋。只係子淇揀衫隨心所欲，有時着修腹款，有時就貼身 show線條，個肚咪好似變魔術咁時大時細囉！



記者想嗌停着得養眼嘅子淇做訪問，但佢笑住話：「我遲咗嘞。」就急急入場，不過臨入去就鬆開老公手，揮晒手同大家 say bye，好得體㗎。

十一月頭，子淇着非常顯瘦嘅紫色傘裙出席活動，但望多眼，條腰其實都圓圓哋。《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄