周家蔚好有耐性喺度等洪天明同阿媽（前）睇喼。

陳嘉桓（ Rose）橫店被淫事件，除咗令陳浩民同馬德鐘兩隻餓狼現形外，更爆出席間醉到不省人事嘅洪天明，原來瞞住未婚妻周家蔚同 Rose暗交。喺事發前一星期，媽咪姐就撞到洪天明同周家蔚喺圓方揀喼，周家蔚當日仲帶埋媽咪出嚟幫眼㖭！周家蔚全程流露待嫁新娘嘅幸福，而天明亦好識做，得準外母鬼咁滿意。難為洪天明好佬兩邊瞞，辛苦晒。

 



三人行喺圓方 shopping，洪天明就經常搭住未來外母嘅膊頭，既孝順又溫馨。

冇飲醉，精神爽利，所以洪天明眼利，好快發現記者，即刻企上前擋鏡頭。
已經 37歲人，好心生生性性，唔好令老婆同外母失望。
已經 37歲人，好心生生性性，唔好令老婆同外母失望。

同場加映

周家蔚自己婚期雖然 hold住咗，不過佢都好唔得閒，事關要做姊妹。上周五，周家蔚就同姚子羚齊齊做姊妹，送好友曾瑞珊出嫁。當日下午，行完禮，一對新人同兄弟姊妹走去中環長樓梯影大合照。周家蔚一見有記者，即時九秒九着番件外套。唔知係咪因為記者喺度，周家蔚死都唔肯除外套埋位，匿埋一二邊坐。最後記者為免令場面尷尬，惟有閃開。



周家蔚 06年參選港姐時，嗰件泳衣性感度，比起呢件姊妹禮服性感百倍啦。

周家蔚一隻手拉住外套，另一隻揪住條裙，裙甩褲甩咁，好鬼狼狽。

影大合照時，周家蔚為避記者，刻意企喺燈柱後面，淨係見到隻手臂。新娘子與周家蔚同參選 06年港姐，做過遊戲節目《一擲千金》嘅千金小姐。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄