1.jpg

 

 


隱瞞親母經理人身份： 35歲　陳苑思陳嘉桓上週二（ 22日）到警署落口供，沿途由親生媽媽 Ronnie（右）陪同。計落今年只有 35歲的 Ronnie皮膚相當白滑，難以想像有個 19歲女兒。

陳嘉桓（ Rose）在橫店慘被擒啜急返港報警，雖然餓狼一號陳浩民拖埋大肚老婆做騷，但 Rose老闆冼國林只放生餓狼二號馬德鐘，堅決告陳浩民到底。
老闆力撐， Rose身邊亦有至親傍實。表面上是經理人身份的 Ronnie（陳瑰霖，原名陳苑思），週一忽然自爆是 Rose的親生母親，更說於 16歲時在「母親的抉擇」生下 Rose及細仔後便將兩姊弟交畀親戚照顧。本刊其實一早得悉陳嘉桓的身世，週日踩入她的出生地，走訪元朗老街坊和鄰居，揭發 Rose兩姊弟自細由養父唐錦鴻湊大，至 12歲時，其生母（即經理人 Ronnie）才由加拿大返港與她相認團圓。
今次 Rose受辱蝕晒底，相信最心痛一定係生母兼經理人 Ronnie，如今兩母女共同扶持走出低谷，令人動容。



最新圖片Rose心情略為平復，週一在橫店拍戲時表現專注。

19歲陳嘉桓上週在橫店涉被非禮，返港報警後翌日已立刻飛返案發現場開工，繼續拍攝王晶執導的《笑功震武林》。為防再遇色狼， Rose的經理人 Ronnie亦拋低香港所有工作，親自陪她上大陸開工，方便貼身照顧。

中一團聚

如此着緊，原來 Ronnie除了是經理人，更是 Rose生母。 Rose一直對外堅稱在單親家庭長大，只肯透露父母已離婚，絕少提及家庭背景，對於家事非常避忌。刻意隱瞞母親身份，全因 Rose的成長環境甚不簡單。
Ronnie週一向相熟傳媒透露，自己在 16歲時生下 Rose，但當時太年輕唔識照顧，所以畀膝下猶虛的親戚湊。其實 Rose出生後 Ronnie還誕下一子，但不久後與 Rose的父親分開，而生性的 Rose，入行後一直為媽媽保守秘密。「陳嘉桓手抱咁大已經喺度（元朗唐樓）住，佢阿媽生 咗佢兩個之後就飛 咗去加拿大，冇見佢出現過，對仔女就交畀佢阿姨（即陳嘉桓姨婆）養。兩姊弟喺人面前都叫姨婆姨公做阿爸阿媽，成班街坊都奇怪點解個細路女姓陳，但父母就姓唐！」據陳嘉桓的街坊透露。
雖然養父母非常痛錫嘉桓兩姊弟，但寄人籬下始終唔方便，加上骨肉親情，所以 Rose於中一時便搬到屯門兆康苑，與回流香港的親母 Ronnie正式團聚。



09：刻意隱瞞09年母親節，已入行的 Rose將自己與母親的合照放上 blog，卻刻意用哈哈笑遮住母親樣貌，非常神秘。


11：微博自爆得悉本刊曾到元朗舊居， Ronnie即時做嘢，除向相熟傳媒自揭是 Rose生母身份，週一在微博再自爆， Rose亦配合地公開稱 Ronnie做「媽媽」。


Rose被狼擒後愁爆返港開記招， Ronnie亦以經理人身份傍到實。

養父驚訝

記者週日（ 27日）到 Rose成長的元朗良材大樓追訪陳的養父母，一名年約五十餘歲的中年男人應門，一聽到「陳嘉桓」三個字時表現驚訝，但其後即變得淡定，除承認自己姓唐外，其餘問題如「係咪陳嘉桓養父？」一律答「唔知」或「冇嘢好講」。至於陳嘉桓生母 Ronnie至截稿前仍未回覆。
缺乏父母愛錫，幸好 Rose人緣好朋友多。知情人士說：「嘉桓細細個已經生得幾靚女，又高又瘦，好受男仔歡迎，佢同個做武術指導 嘅男仔好老友，個男仔家做 咗楊盼盼徒弟，前排嘉桓喺無綫扮青蛇個騷都係佢排。今次嘉桓俾人抽水，個男仔都好嬲！」有靚樣夠高又有經歷，陳嘉桓有齊爆紅條件，掂！



27/11養父錯愕本刊將 Rose及 Ronnie的合照遞畀 Rose養父唐錦鴻，佢定眼呆望相片幾秒後即時關上鐵閘，邊走入屋邊話唔回應。

28/11養父週一見到記者時，扯火手指指大鬧：「你哋好走喇，我乜都唔會講！」

舊居受訪Rose月前重回元朗舊居，為《蘋果日報》地產專題拍照。《蘋果日報》圖片

老師避走Rose喺微博話美術老師 Miss Dew對佢非常照顧，本刊到 Rose的中學搵刁老師回應，校務處聲稱她請病假，但有同學踢爆 Miss Dew有返學，擺明避開記者。

高人一等5呎 9的陳嘉桓，中學時期已相當突出，比其他同學起碼高出半個頭。

畢業索爆就讀 band 3天水圍妙法寺陳呂重德紀念中學的 Rose，中五參加謝師宴時精心打扮，一身桃紅色 tube dress加個淡妝，非常有星味。

街坊鄧生「姓唐一家住响上面，唐生係嗰座樓嘅業主委員會主席，住响呢度好耐㗎喇！前排陳嘉桓先返嚟做訪問。」

街坊吳太「嘉桓兩姊弟好乖，細佬就活躍啲，不過嘉桓細個都好靚女㗎喇，估唔到家做咗明星！」

Rose（左）同由細在元朗玩到大的武指 German Cheung（右）相當友好，兩人早前與楊盼盼合作為公益金籌款。

冼師傅有眼光

陳嘉桓由養父母湊大，直至初中才搬回與生母同住，兩母女相依為命，幸有冼國林睇中 Rose的潛質，在她 15歲時簽為國藝娛樂旗下藝人。除親自教授詠春，又安排 Rose上堂學唱歌跳舞及普通話等，將愛徒訓練到周身刀，其後更索性請 Ronnie做經理人，令兩母女可以日見夜見互相照顧。咁用心良苦嘅老闆，去邊度搵呀！



冼師傅極愛錫 Rose，今次愛徒涉被非禮，即聯同樂易玲一齊開記招為 Rose討回公道。《蘋果日報》圖片

激罕 10張私相

19歲慘遭餓狼又摸又的 Rose，年紀輕輕已經要面對過百傳媒追訪，搞到黑眼圈纏身殘樣盡現。本刊發現 Rose未紅前的 blog內上載了大量靚爆私相，宅男要緬懷女神惟有重溫舊相！



浴袍甜啜

Rose 09年同公司同事過澳門睇泰拳，沖完涼即刻着起浴袍自拍，又對住鏡頭嘟嘴飛吻，果然 17歲卜卜脆！

絕密水着

08年 8月放緊暑假， Rose同大師兄杜宇航及其他 friend遊船河，當時只得 15歲嘅 Rose雖然冇化妝，但勝在青春無敵。


追星時代

未成為宅男女神前， Rose曾經同一般後生女一樣鍾意追星， blog內亦放了同張敬軒及農夫等合照晒命。

超索校花

雖然 14歲已入行做 model，但 Rose冇被同學排擠，連續 3年參加校內時裝設計比賽， F.5時更贏到「最佳演繹」，注定食呢行飯。




餓狼回帶　跪地陳浩民：唔好畀阿佘知！

餓狼陳浩民早於 05年，在番禺拍《人生馬戲團》時與唐文龍外出夜蒲，得罪勢力人士令對方到劇組尋仇，混亂中《人》劇武指元寶手臂骨裂受傷。搞出事後，傳兩人趕到醫院跪低認錯，返港後亦即時搵監製徐遇安商量如何向高層曾勵珍交代，據知當時浩民大為緊張，更跪地不停話：「邊個知都得，一定唔可以畀阿佘知！」



有傳當年拍《人生馬戲團》累楊思琦及鍾嘉欣神秘失蹤，實情係貪玩搞到元寶被斬傷，估唔到馬騮仔 6年後依然唔生性。

陳浩民帶埋大肚老婆做騷，誇張到痛哭又腳軟，被冼國林及網友批評戲屎兼太 over。

 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄