同你吟一吟
黃智賢搞喊蘇基
傳今年視后暗盤會俾徐子珊，搞到楊怡嗌腳痛，唔肯去台慶。上星期三（十一月二十一日），《萬千星輝頒獎典禮 2012》入圍名單揭曉，腳痛完，踩住四吋高踭鞋嘅楊怡 set行晒到，仲任由徐子珊攬住合照，扮晒冇事。
今年無綫搞觀眾一人一票選視帝視后，不過，公布入圍角逐嘅候選名單，率先引起外界不滿，連馬德鐘都憑《飛虎》入到，但話題作《心戰》嘅鄭少秋就食塵，連提名都冇。
活動當日，無綫竟然嗌舊年攞最佳男配角、今年百無嘅阿 Ben黃智賢，上台公布男配角入選名單，但阿 Ben EQ高，仲盛讚有份憑《巴不得媽媽》爭獎嘅「蘇基」古明華，係一個默默耕耘下得到成果嘅好例子，搞到對方即刻流馬尿，獎未到手就感觸到喊晒。
有獎冇獎，存在無限變數，楊怡瞓晒身拍《名媛望族》，點知反應唔 OK，莫講話頭敵有姣神徐子珊，《大太監》嘅米雪，同樣大有資格咬你楊怡一啖；愈想得愈唔得，倒不如順其自然，情況好似閣下個鼻，本來已經夠高夠挺，何必貪得無厭，物極必反。
今年冇提名嘅黃智賢，讚古明華入圍爭男配角係默默努力嘅成果，人肥但皮薄嘅蘇基，即刻喊。
廢噏！（設計想法）
左起：周麗淇、徐子珊、楊怡都有份入圍「我最喜愛的電視女角色」，楊怡講感受時，徐子珊嘅表情正到呢！
專登撲返嚟香港出席台慶同公布頒獎禮入圍名單活動嘅黎耀祥，有祥嫂貼身夾餸服侍。
一人一票選視帝， fans多嘅林峯表面佔優，但黎耀祥同陳豪一樣有唔少師奶票。
做主持嘅 Do姐，當日攞住部 Casio EX-TR150「自拍王」係咁影，之後又向草蜢係咁 sell，部機都出咗半年有多， Do姐仲係玩得咁開心，三千蚊有找嘅玩具，真抵玩。
全站熱搜
留言列表
{{ article.title }}
