11月 26日 9個月巨肚周二（ 11月 26日），陳茵媺獲老公接送到中環食飯。當晚佢拎住貴氣 Hermès手袋，挺住 9個月巨肚，一臉幸福。
媽咪姐
為接 job棄陪產 陳豪孖巨肚陳茵媺出巡
姑勿論做咗 C9或者係盛 lady嘅姊妹，睇呢篇文之前，記住帶定口水肩！
陳豪拎手袋巨肚 Aimee都算身手矯健，上落車都唔需要攙扶，不過陳豪都主動幫佢拎手袋，果然係體貼老公豬呀！ 
收嬰兒用品當晚 Aimee收到朋友禮物，由購物袋顯示，品牌為意大利嬰兒用品 Chicco，袋中應該係 BB用品。 
笑笑口走人TVB封殺我哋，不過陳氏伉儷依然 nice，臨走前都笑晒 say goodbye。
11月 20日 大埔遊車河陳豪做柴可夫唔係一日半日或者 weekend嘅事，早前佢就專登揸車載 Aimee遊車河，等大肚婆郁動多啲。 
講番 Aimee吖，已經兩個月冇正式露面嘅佢，數下手指，原來懷孕 9個月，難怪個肚大到成個籮咁。據知，佢堅持自然分娩，預產期暫定為聖誕到新年嗰個禮拜。不過大家知啦，呢啲大時大節，我哋飲飲食食，班藝人就出騷賺錢。媽咪姐收到風，陳豪為賺奶粉錢，接落唔少聖誕新年騷，分分鐘撞正預產期，陪唔到 Aimee入產房㖭！
冇辦法啦，半世老婆奴，一生兒女債，為咗 Aimee為咗 BB，陳豪你要頂住呀！
大肚婆多嘢搞雖然佗住 9個月巨肚，但 Aimee周日（ 11月 24日）先幫老友張嘉兒慶生（右圖）。周一（ 11月 25日）又喺微博上載曬太陽相（左圖），好鬼活躍。 
愛的 Hermès
對 Hermès袋情有獨鍾嘅陳茵媺，去到邊都以新款靚袋襯衫，更配埋撞色絲巾，鬼咁搶眼。據知每個 Hermès均由陳豪送贈，每年至少一個。唔怪得陳茵媺次次都 Hermès跟身，見袋如見人吖嘛！
裸色 Garden Party 2萬 5千/未有炒價最新裸色 Garden Party，綁上 3千蚊 Twilly絲巾，貴氣型格！ 
20cm紅色 Kelly Bag 8萬/炒價 13萬今年 10月， Aimee佗住巨肚跟陳豪到赤柱行街。當日佢以鮮綠 tube dress襯紅色 Kelly Bag，養眼到極。 
35cm綠色 Birkin 8萬/炒價 14萬今年 5月《情越海岸線》宣傳活動， Aimee以便服襯 Birkin，盡顯 mix& match功力。 
25cm黑色 Kelly Bag 7萬/炒價 13萬12年 12月， Aimee出席周文亮兒子周志豪、鄭嘉雯婚宴，一身全黑打扮嘅佢，手拎黑色 Kelly Bag。
留言列表
{{ article.title }}
