媽咪姐
張美妮大婚 楊怡被玩
上周四（ 21日），張美妮同髮型屋老闆黃偉強喺 Ritz-Carlton酒店擺酒宴客，新娘子真係好有 face，搵到楊怡做伴娘，仲有一班姐仔做姊妹，林峯同黎耀祥都有出席，當晚仲有好多一雙一對㖭。
羅、楊被逼婚
手執花球嘅楊怡俾司儀洪天明玩到無力反抗，就算出手（右圖）都煞唔停洪天明把口，真係冇晒符。 
羅仲謙雖被捉上台，但勁唔好意思，要拉新娘美妮擋駕。
謙謙上到台亦搵美妮阻隔，打死都唔肯企喺楊怡隔籬，之後佢哋返枱坐都要 keep住隔一個人。 
林峯駕到，即被一班姊妹同兄弟團團圍住，似乎有啲喧賓奪主之嫌喎。
陳雅倫亂放電
而另一對緋聞男女李思捷同陳雅倫當晚亦有影皆雙，不過陳雅倫電力十足，當晚除咗李思捷外，亦同兩名男性友人態度親暱，媽咪姐都冇眼睇呀！
之後陳雅倫出席活動，解釋當晚同李思捷嘅親暱行為：「我同思捷係正常社交，見面傾吓偈，佢好有紳士風度攬吓腰，冇大問題。至於在場另一位男士都係我朋友，希望大家唔好再傳我同李思捷，搞到好多男士都唔敢追我。」
李思捷同陳雅倫呢 pair緋聞情侶仲玩埋自拍，好到呢！ 
冇耐，陳雅倫如穿花蝴蝶，逐枱「騷 So」，不斷發放電力。 
前面陳雅倫攬仔攬到忘晒形，後面嘅李思捷卻牛咁眼𥄫到實。
全站熱搜
留言列表
{{ article.title }}
