娛樂八掛大放送★

陳奕迅寸倒奶 Kary腦充血

陳奕迅（ Eason）、黃貫中（ Paul）以及吳雨霏（ Kary）前晚一同演出新城音樂會，其中 Kary以谷胸熱褲上陣，她當眾大讚 Eason「 un」得，惹來台下陣陣淫笑。 Kary更使出一招倒掛倒奶搶鏡，卻被 Eason取笑腦充血。

前晚陳奕迅、黃貫中、吳雨霏和樂隊 The Postman一同在亞洲國際博覽館演出新城音樂會，全晚以 rock歌為主，打頭陣出場的 Kary穿上貼身谷胸裝和長裙出現，唱完幾首歌後除去長裙，以熱褲 look表演連場勁舞，她使出一招倒掛倒奶搶鏡。 Paul出場獨唱後，再與 Kary合唱， Paul笑言：「我頭先喺後台見佢除條長裙時真係流鼻血。」 Kary指 Paul戴着黑超，何故睇得如此清楚？ Paul搞笑說：「我呢副超係 X光。」

放大圖片

陳奕迅笑言要拜見偶像黃貫中（右）。

放大圖片

陳奕迅反晒眼話冇吳雨霏。

女致甩嘴 放大圖片

吳雨霏使出一招倒掛倒奶，全場叫囂。

Paul和 Eason玩 crossover， Eason唱出 Paul的一曲《無得比》，而 Paul則唱 Eason的《與我常在》， Eason表示：「可以同阿 Paul合作，我好似粉絲咁可以同偶像合唱。」說畢他更跪拜 Paul。Eason彈結他跟彈鋼琴的 Kary合唱， Kary索性除去 4吋高踭鞋向 Eason說：「你好似好 un得喎？」觀眾即傳來陣陣淫笑， Kary即說：「我係咪講錯嘢？」 Eason未有回答只顧望着 Kary的透視裙。最後兩人合唱《講男講女》， Eason不慎甩嘴。接受訪問時，問到 Eason是否顧着望 Kary的透視裙？他笑言：「我乜都望唔到，只係望到靚嘢，我有乜嘢未見過，我望 Kary只望到一樣嘢。」 Kary表示：「係咪講我個鼻呀？」提到倒掛倒奶， Kary指之前曾表演過， Eason插嘴謂：「我只係見佢腦充血咋。」有傳日前朱茵暗示將跟 Paul結婚， Paul聞言說：「今晚唔講呢啲，唔想搶去焦點。」採訪：馬建華攝影：葉君海


吳雨霏穿貼身谷胸衫大騷事業線。

Kary踢爆Eason好Un得

吳雨霏前晚與陳奕迅及黃貫中等開騷，她以低胸裝及熱褲忘我演出，性感狂野獲兩拍檔激讚：「睇到慶合合！」她又爆陳奕迅「好Un得」。

陳奕迅（Eason）前晚與吳雨霏（Kary）、黃貫中（Paul）及樂隊The Postman於亞洲博覽館舉行音樂會，全場爆滿。Kary穿上閃爆低胸裝打頭陣，其後更脫掉長裙，以熱褲配穿窿絲襪勁歌熱舞，不時跪低「擘髀」Fing頭兼掩下體，又被「Y」字倒吊獻唱，極盡狂野！但可惜臀位略肥。

吊到腦充血

Eason其後上台即反白眼說：「我頭先睇到好o架！依家睇唔到嘢！」當他呆望Kary時，卻被對方反鬧：「你望咩呀！」期間，Kary讚Eason「好Un得」，他即「吹神」上身自爆有32分之1黑人及蒙古血統，故很有節奏感，笑爆全場！Paul出場時也忍不住說：「流晒鼻血！好想再睇！」合唱時，Kary再次忘我地跪在Paul面前高歌，氣氛熱爆。

Eason事後自嘲不時唱錯歌詞：「我睇住提歌詞機都唱錯，都唔知邊個發明！」Kary則承認倒吊動作令她腦充血。此外，問到是否與女友朱茵快將結婚？Paul笑言不要談如此「岩重（嚴重）」的事。

音樂組

Kary身穿低胸裝及穿窿絲襪勁歌熱舞，睇到拍檔流鼻血！

Kary倒吊獻唱，直言吊到腦充血。

Kary與Eason邊彈邊Jam歌，帶動全場氣氛。

Paul（右起）與Eason合唱High爆。