陳敏之陳茵媺搶女配上一線綠葉變正印陳展鵬視帝飛躍叫兩飛－娛樂八掛大放送★

陳敏之陳茵媺搶女配上一線綠葉變正印陳展鵬視帝飛躍叫兩飛

陳敏之陳茵媺搶女配上一線

今年無綫台慶視后離不開陳法拉與胡杏兒之爭，競爭未見刺激，相反女配角獎卻爭崩頭，事關前車可鑑，此獎實為躋身一線的指標，志雲幫的陳敏之、樂易玲派的陳茵媺勢伺機上位，藉綠葉女王一獎響朵，繼而向視后進發！

無綫人才被大挖角，花旦更成為電視城重災區，繼佘詩曼、鄧萃雯、蔡少芬、郭可盈等一線花旦外闖的外闖、退下來的退下來，剩下陳法拉、胡杏兒及楊怡等。今屆視后之爭離不開《潛行狙擊》的Madam Jo陳法拉及《萬凰之王》的奸王后胡杏兒作困獸鬥。相對地，最佳女配角競爭更見激烈，成為無綫黨派鬥爭角力之地。

今屆台慶頒獎禮提名名單明日正式公布，據知，已全面復工的陳志雲，與樂易玲、曾勵珍已屯重兵在女配角候選名單，好讓愛將藉女配角獎作跳板躋身一線。

本報昨日收到最新消息，有關最佳女配角之爭，三大派別各有重量級二線姐仔列入候選名單之中，包括志雲幫《怒火街頭》陳敏之及《真相》唐詩詠，以及樂易玲派的《真相》陳茵媺、《仁心解碼》楊秀惠及《法證先鋒III》胡定欣，當中志雲幫的敏之、樂易玲派的陳茵媺及無黨派的江美儀呼聲較高，加上曾勵珍旗下實力三寶：林漪娸、陳曼娜及馬海倫隨時左右大局，令女配角一獎增添變數。

索腿天后有信心

繼楊怡及法拉先後奪女配角獎，繼而奠定一線花旦之位後，陳敏之今年憑《怒》劇的一樓一「索腿天后」角色上位，對於女配角殊榮，她昨日接受電話訪問時，顯得志在必得：「好有信心！因為索腿天后好好，為呢個角色我真係花咗好多心機，身體仲多處損傷，搞到鎖骨都跌斷，所以呢個一樓一鳳角色真係我嘅突破，係好好嘅嘗試，好人性化，自己都好鍾意。」問到認為誰是勁敵？敏之未有提及於《真》劇「被姦」的陳茵媺，反而另有心水：「好多都欣賞，不過比較鍾意江美儀。其實真係好想攞呢個獎，但會以平常心看待。」除了恨攞獎，她最想同劇的鄭嘉穎及胡杏兒能奪視帝后，該劇奪最佳劇集，實行四喜臨門。

此外，敏之昨日出席活動，馬德鐘則因腸胃炎缺席。她表示會致電問候，但並非問候對方有傳失落視帝提名的事：「問佢個病啫！」有指她拍劇壓力爆煲，她說：「之前拍劇成十幾廿個鐘，不過公司好錫我，畀時間我休息。」

第一手消息請下載on.cc東方互動iPhone/iPad/Android Apps

專案組

陳敏之貫徹「索腿天后」美譽，昨日出席活動晒美腿。

電視城鬧花旦荒之際，二線姐仔陳茵媺及陳敏之均吼實台慶女配角獎作上位跳板。（設計對白）

綠葉變正印

台慶頒獎禮的最佳男女配角獎，均被視為「未來視帝后」得獎指標，過去幾屆競爭激烈，有綠葉王攞獎後成功躋身一線，甚至坐正視帝寶座！

謝天華

前年憑《學警狙擊》Laughing一角名利雙收，攞男配角之餘，更巴閉得以此角色開劇擔正，今年順利憑《潛行狙擊》成為視帝大熱。

夏　雨

實力派老戲骨，早於05年憑《甜孫爺爺》奪最佳男配角，08年再憑熱爆劇《溏心風暴之家好月圓》圓視帝夢，薑是老的辣！

楊怡
08年憑《溏心風暴之家好月圓》「攞女」阿月一角奪最佳女配角，之後劇接劇，成為一線多產花旦。

陳法拉
選美出身，07年憑《舞動全城》及去年的《義海豪情》兩度膺綠葉女王，今年「升呢」憑《潛行狙擊》挑戰視后寶座，被看高一線！

黎耀祥
08年憑古裝劇《秀才愛上兵》奪男配角殊榮，之後於09年及去年先後憑《巾幗梟雄》及《巾幗梟雄之義海豪情》冧莊視帝，成績驕人！

陳展鵬視帝飛躍叫兩飛

早前簽約成為無綫「親生仔」的陳展鵬，於劇集《真相》飾演踩界律師，表現出色，贏好評兼贏人氣。據知，他今年有份憑此劇首度角逐最佳男主角，記者昨日致電求證，他說：「有份提名已經開心死，聽聞仲有份提名飛躍進步獎。（信心？）好多人睇好我攞飛躍，不過如果改名為『最老資格新人獎』我更有信心！（親生仔所以有得爭視帝？）公司畀好多機會，我會珍惜。」

至於有傳「飛出」候選視帝名單的林保怡，昨日出席活動時說：「畀我都會咁做，人不為己嘛！對我嚟講冇所謂，唔會咁樣對無綫有微言，企得出嚟都要多謝TVB。」又指不考慮拍《金枝慾孽II》，因無綫太遲通知，他沒檔期接拍，被問是否暗示無綫冇誠意？他說：「唔夠膽咁講！」

黃浩然（右）睇好陳展鵬穩奪飛躍進步獎。（資料圖片）

林保怡不欲多談無綫，問到是否不值一提，他否認，並指做人要有「大氣」。

黃智賢同老戲骨爭男配

據可靠消息透露，黃智賢（Ben）今年憑《潛行狙擊》辣薑一角提名最佳男配角，對手除了同是親生仔的敖嘉年外，還有實力派綠葉岳華、羅樂林、李成昌、張國強及李國麟等，面對一班前輩，Ben仍信心十足，但不諱言視《女拳》的岳華為最大勁敵，其次睇好敖嘉年，又認為「親生」與否冇關係：「唔關事，依家無綫簽咗好多人！」

至於去年成績不俗的黃浩然，卻被《真相》拍檔陳展鵬爬頭爭視帝，問他是否不是親生較輸蝕，他說：「出年都好多劇出，希望出年啦！（無綫有冇利誘傾約？）好耐之前有，但依家呢個合作形式好好。」