好多人都當架寶貝車係半個家，如果張汽車椅真係可以有屋企張床咁舒服，咁就更加完美喇！一大堆軟綿綿的汽車座椅用品一定幫到你，不單止可以令內櫳感覺更豪華，仲有減壓增舒適感的作用，即使坐長途車或遇上塞車時，要長時間屈住喺車廂，一樣可以發個美麗甜夢。記者：許維雅攝影：伍慶泉Model： Betrys、 Dominic@GME
其他副刊影片 坐墊欠色彩 椅套更統一
想坐車坐得更舒適，車主都會加張汽車坐墊增加軟熟效果。而市面一般的坐墊款式，都以一塊四方形單位墊為主，只是物料有分別。我就比較喜歡竹炭坐墊，黑色竹炭織布唔止感覺 Trendy，仲有吸濕消臭的效果。至於顏色，新款式依然單調保守，全部黑黝黝，想多點色彩，只好揀卡通公仔款式。汽車用品公司反而着重功能設計，好似增加小腿墊、承托兩邊大腿的高墊等。不過論美觀，一定係相連頭枕及背墊的一體式坐墊感覺較統一， BONFORM最新推出的米白色椅套套裝唔止由頭包到尾，後座椅套更係相連設計一幅過，加埋特厚軟墊，好似變身一張梳化咁豪華舒適，唯一美中不足就係仿皮料始終不及真皮高貴。
放大圖片 
■ BONFORM透氣軟墊的兩側大腿高墊，有助改善坐姿。$168（ a）
放大圖片 
■竹炭坐墊的黑色竹炭織布感覺好有東瀛 Feel。$175（ a）
放大圖片 
■ Coolmax啡色坐墊兼備快速散熱效果。$199（ b）
放大圖片 
■ MashiMaro毛毛坐墊包兩個前座及一個後排坐墊。$598（ b）
放大圖片 
■ BONFORM米白色仿皮前座坐墊套裝連頭枕，只適合獨立椅使用。$650（ a）
放大圖片 
■ BONFORM黑色坐墊連小腿墊，小腿墊可調校角度，令腳部承托得更舒適。$398（ a）
頸枕花款多
頸枕的款式算較花巧多選擇，不同形狀設計的頸枕都有助舒緩頸部壓力，所以好多車主都鍾意放頸枕，順便點綴內櫳。最後加埋一個頭枕、滑嘟嘟的毛毛毯當被，咁就由頭軟到落腳，隨時瞓得着。
放大圖片 
■竹炭頸枕的三角形設計托得剛剛好。$98（ a）
放大圖片 
■ PIAA黑色仿皮頸枕，白縫線格仔設計較美觀。$145（ a）
放大圖片 
■ BONFORM黑色仿皮背墊，肩膀疲勞都可以照顧埋。$98（ a）
放大圖片 
■杏色麖皮頸枕，立體蝴蝶形設計感覺更高貴。$108（ b）
托住唔夠喉 有按摩仲爽
其實要減低長時間坐車的疲勞，除了增加座椅的軟熟程度，腰部有適當的承托都好重要。大家不妨擺個腰墊輔助尾龍骨挺直，確保坐姿正確，而有吸震消壓效果的厚海綿腰墊，似乎最舒適，架車點剒都冇咁易傷。再唔夠喉，可以放個輕便式按摩器，按腰按頸鬆一鬆都得，按摩器跟一個家居兩腳插頭及一個汽車 12V插頭，揸車返工可帶返 Office用。
放大圖片 
■ HOMEPRO按摩器，按摩力度剛剛好，坐長途車都唔怕腰梗頸痛。$320（ a）
放大圖片 
■ Car Friend脊椎腰部護墊，線條設計緊貼背部，有保健作用。$149（ b）
放大圖片 
■竹炭腰墊可減低腰部壓力，竹炭織布更有消臭、抗菌及除濕效果。$185（ a）
放大圖片 
放大圖片 
■ BONFORM軟枕可當手枕、頭枕或腰枕，有吸收衝擊及壓力之效。$298（ a）
放大圖片 
（ a） 2392 4244（台日汽車用品）（ b） 2391 0370（ AES汽車用品） 
■ BONFORM米白色後座坐墊套裝連黑色頭枕，由頭到腳都軟腍腍，令後座頓時變得豪華。$1
留言列表
{{ article.title }}
