公開戀情唔單聲　Mani 鬧爆唔再理阿Sa 忽然1周 797期 @ 娛樂八掛大放送★

未公開戀情前，阿 Sa與 William已不避嫌以情侶檔見人，公開後有人祝福，亦有人唔睇好！"
娛樂頂點
公開戀情唔單聲　 Mani鬧爆唔再理阿 Sa
2010年11月05日
娛圈近年興公開戀情，好似楊千嬅咁，自公開丁太身份即人氣勁升，更帶挈老公丁子高生意接唔停，人財兩得。難怪上月阿 sa（蔡卓妍）和 William（陳偉霆）被報紙踢爆「 sa霆戀」後，翌日即搶住認拍拖。
阿 Sa以為公開戀情就皆大歡喜，可惜千算萬算，算漏身在美國讀書、一手捧紅自己嘅伯樂 Mani（霍汶希）。據知阿 Sa同 William由拍拖至公開戀情，都未通知過 Mani，成件事與今年 3月阿 sa同鄭中基瞞婚一樣， Mani都係最後一個知道。為此 Mani唔單止嬲爆阿 Sa，一時火起更向身邊人揚言：「我以後都唔會再理佢。」
上月中大方公開戀情的 27歲蔡卓妍（ Sa），和細自己 3年的陳偉霆（ William）愛得相當高調，繼上月二人搭膊步出機場後，本周日（ 10月 31日）萬聖節，正在國內拍劇的阿 Sa更專程返港與 William共度第一個萬聖節，愛得癡纏。
「 Sa霆戀」上月 10日公開，身在紐約的 Mani知道後都要做戲做全套，在微博上冷冷的祝福二人。《 Face》圖片

衰在自把自為
阿 Sa肯公開戀情，全因現時情侶檔吃香，加上年初被踢爆與鄭中基瞞婚一事令形象受損，令她唔敢再玩地下情。公開戀情本來係好事，可惜埋門一腳阿 Sa卻沒有知會伯樂 Mani，令 Mani嬲爆！知情者說：「上次鄭中基單嘢搞到阿 Sa覺得自己好，佢嗰時已經講過如果再拍拖不如公開，起碼唔使煩。但 Mani即時反對阿 Sa咁做，佢認為做得呢行，戀情就要低調。點知 Mani飛咗去美國進修，阿 Sa今次只通知公司，完全冇知會 Mani就公開同 William嘅關係，搞到 Mani好㷫。因為上次佢同鄭中基單嘢， Mani做咗好多嘢至挽回阿 Sa形象。依家阿 Sa公開拍拖， Mani當堂頭都大埋，覺得阿 Sa好唔尊重佢。 Mani同班老友傾開嗰時仲話『我唔識教呢個女，佢都唔自愛，我以後都唔會再理佢！』」
知道 Mani嬲爆的阿 Sa，近日除了忙於拍拖，還要到內地拍劇，以及為 11月的 Twins澳門演唱會綵排，至今仍未親自向 Mani認錯。知情者說：「阿 Sa都知今次冇同 Mani講聲係唔啱，不過佢覺得同 Mani相處咗咁耐， Mani會明白佢。 Mani依家仲好嬲，到依家都冇打過俾阿 Sa。不過 Mani身邊嘅人都勸佢女大女世界，既然自己放緊大假，就唔好為呢啲事操心！」本周一（ 1日）記者向 William求證公開「 Sa霆戀」激嬲 Mani一事， William一副事不關己模樣，只笑笑口話：「呢啲事唔回應。」
本周一（ 1日） William被指與阿 Sa齊齊激嬲 Mani時，蜜運中嘅佢仍笑笑口話：「唔回應。」

Sa霆今年第一年過萬聖節，據知阿 Sa主動要求放假回港陪 William，兩人更扮鬼扮馬開 party。

微博留言明顯大減
據知已離港兩個月嘅 Mani，每日都會上微博睇住英皇旗下藝人動向。為免地位不保，更不時留言向藝人表示鼓勵和支持，提醒眾人她的存在。以往日日同阿 Sa喺微博互聯嘅 Mani，為免嬲爆一事太張揚，仍有在阿 Sa的微博留言，不過次數及內容明顯減少。就算阿 Sa公開戀情， Mani只冷冷地拋下一句「祝福 Sa Sa& William」。本周二，記者多次致電 Mani留言，但至截稿前仍未獲回覆。

公開戀情翌日，兩人由國內拍住拖返港，甫到機場見到大批傳媒更大方搭膊合照，勁晒恩愛。

以往阿 Sa與 Mani形影不離，如今已換上另一經理人 Kitty媽，相信有排都見唔番 Mani陪阿 Sa。

10年情不再
Mani 00年睇中阿 Sa後力邀她簽約英皇， 01年阿 Sa即孖住阿嬌組成 Twins。多年來風光過亦有低潮，但 Mani一直對二人不離不棄，可惜近日「 Sa霆戀」令 Mani對阿 Sa大失所望。

2002年出道力捧
02年初出道時，阿 Sa阿嬌去到邊都有 Mani傍實，當年英皇組成 Twins，都係 Mani主意。

2010年有禍即撐
被爆瞞婚後，傳媒連月追訪阿 Sa， Mani經常出口護駕，勞苦功高。《蘋果日報》圖片

阿嬌眼紅阿 Sa
阿 Sa事業順利不斷搵真銀，拍拖有晒自主權，但好姊妹阿嬌卻因為兩年前嘅淫照事件而一沉不起。阿嬌眼見阿 Sa星途一片光明，心裏當然唔好受。表面上戥阿 Sa開心嘅阿嬌，事實上非常眼紅。知情者說：「阿嬌知嘥咗好多時間，佢真好想再起番，所以佢好俾心機，但自己知自己事。好似上次佢上《勁歌》唱 live，之前練咗好多次，但出街嗰次都係走音，佢都唔開心咗好耐！佢見到 Sa依家要風得風，自己就連揀首歌都冇 say，覺得同阿 Sa嘅 level唔同咗。近排佢少咗同阿 sa傾心事，轉咗同鍾舒漫埋堆。」

阿 Sa忙拍劇忙拍拖，眼紅嬌惟有自降 level黐實師妹鍾舒漫，仲擺咗一齊去睇衛蘭個唱嘅相上微博。

微博抒發心情
近日阿嬌在微博上大呻：「很多事情我不能控制……但誰會和我走下去呢？」非常失意。

阿Sa公開戀情不出聲霍汶希氣爆恩情不再

娛圈近年流行公開戀情，好似楊千嬅，自公開丁太身份即人氣勁升，更連帶老公丁子高生意接不停，人財兩得。難怪上月阿sa(蔡卓妍)和William(陳偉霆)被報紙踢爆“ Sa霆戀”後，第二日即搶著認拍拖。

阿Sa以爲公開戀情皆大歡喜，可惜千算萬算，算漏身在美國讀書、一手捧紅自己的伯樂霍汶希(Mani)。據知阿Sa同陳偉霆由拍拖到公開戀情，都未通知過霍汶希，整件事與今年3月阿Sa與鄭中基瞞婚一樣，霍汶希都是最後一個知道。爲此霍汶希十分生氣，一時火起更向身邊人揚言：“我以後都不會再理她！”