娛樂八掛大放送★

陳冠希（ Edison）的二家姐陳見飛（ Tricia）今年初承認有新戀情，但將戀情低調處理，昨日她出席護膚活動時，自爆計劃明年夏天披嫁衣，大家姐 Olivia當伴娘， Edison會否當伴郎陪她出嫁則尚未知。

陳見飛、羅霖、郭錦恩、余安安、溫碧霞、馬詩慧、陳淑蘭和吳婉芳等，昨日在中環出席 Jurlique Purely White午宴。曾經愛蒲、經歷多次情傷的 Tricia終於修成正果，她接受訪問時透露明年夏天與現時拍拖年半、任職投資界的男友拉埋天窗。Tricia說：「實質日子仲未訂，男友仲未求婚，我成家人都好鍾意佢，男友已係一家人，我已經諗緊婚禮會係點，結婚戒指男友叫我自己揀，我已經睇緊，會搵本地設計師設計婚紗，我支持本地設計師。」

放大圖片

今次戀情陳見飛保持低調，只肯透露男友（右）是做投資界。《忽然 1周》圖片

放大圖片

羅霖為了籌備慈善晚會而頭痛。

韓君婷做姊妹

胞弟 Edison可會做伴郎？ Tricia說：「都要睇男友揀唔揀佢，不過我家姐就會做伴娘，到時仲有 12個姊妹團，韓君婷、戴妮婷會係姊妹之一。」待嫁的 Tricia明顯發福不少，問可會為結婚而減肥？她說：「會呀，都驚，因為近期肥咗好多，我希望出年夏天結婚，我今年 33歲，年紀都唔細而且爸爸好想抱孫，希望明年冬天或冬天有 BB，最好係生獅子座或處女座嘅 BB，生一個已經好開心。」

放大圖片

余安安（左）與馬詩慧一起出席美容活動。

放大圖片

溫碧霞偷閒捧場，她主演的電影《酒徒》將參加韓國釜山及加拿大電影節。

羅霖懶理李妮

此外，羅霖透露為籌備今天的仁美清敍晚宴而頭痛，她說：「從未如此忙過，打好多電話，食咗好多止痛藥，不過有過億元嘅珠寶贊助。」有傳李妮因嫌會內透明度不高而退會，羅霖說：「我哋有跟足程序，融合大家意見。」羅霖表示自己是基督徒，不會怒，指聖經說「不可含怒到日落」。採訪： R. Au Yeung攝影： Edward Chou


陳見飛為了讓父親快點抱孫，表示明年婚後會立即造人。