新婚急復出 搵定奶粉錢37歲郭羨妮生仔唔遲得
新婚一個月的郭羨妮，昨日帶住幸福和快樂返港出席護膚品牌活動掘金。朱太郭羨妮表示不會定居內地，繼續香港、內地兩邊走搵真銀，同時不忘造人大計，恨生仔恨到不得了， 37歲的她笑說：「呢個都好緊要，唔可以遲㗎！」
其他娛樂名人影片
郭羨妮返內地賺人仔，還賺了一個老公，她形容婚後感覺穩定，又成熟了不少，這段時間覺得很開心，是一生中最幸福的時候， 37歲的郭羨妮急於結婚，一定是趕生仔，昨日她在金鐘出席瑞士護膚品牌活動時說：「努力緊，不過我哋兩個都忙，大家都要開工，我就好少探佢班，我唔想周圍走，不過佢會嚟搵我，家一切順其自然，我都知造人大計緊要，係唔可以遲！」
放大圖片 
郭羨妮和老公朱少杰早前在關島結婚後各有各忙，暫時未有機會造人。 資料圖片
放大圖片 
余思敏昨日踢爆老公鄭中基（小圖）在內地拍戲時，常致電關心囡囡情況。
郭羨妮唔補請飲
問郭羨妮會否在港補擺喜酒？她說：「我怕煩都唔會搞，不過會一齊見吓朋友。」提到郭羨妮公開表明自己明年才結婚，欺騙了全世界，有沒有朋友向她投訴？她說：「冇呀，佢哋知我好低調，都送上祝福，我結婚前一日都拍緊戲，第二日先飛關島，就好似拍咗場結婚戲咁，係好秘密咁進行。」另外，新任媽咪余思敏（ Sammie）昨日於銅鑼灣為有線楊天命節目任嘉賓，她表示都會請教師傅詢問老公鄭中基及囡囡的健康，她說：「咁身體健康順利好緊要，佢要賺奶粉錢嘛。」
鄭中基想追多個
Sammie表示老公目前於內地拍戲，非常掛念囡囡，她說：「佢好掛住個女，我日日不斷 send相畀佢睇，佢都會打返嚟問飲咗奶未同瞓咗未。」Sammie表示亦與老公商量過再追多個，她坦言：「都會㗎，不過家唞吓先，佢都想追，不過就唔趕囉，佢話仔女都冇所謂，最緊要健康聽話。」 Sammie更抱怨囡囡對老公比對自己好，皆因她每次抱囡囡便喊。採訪、攝影：楊潔雯、王崇穎 
新婚不久的郭羨妮返港出席活動，成為人妻的她更加艷光四射。
郭羨妮趕造人：唔可以遲疑！
早前榮升幸福少奶奶的郭羨妮（Sonija），昨日首度返港出席活動，工作密麻麻的她揚言，沒影響與老公朱少杰的造人大計：「造人要緊，唔可以遲疑！」
前港姐冠軍Sonija早前與內地武指朱少杰在關島「秘婚」，昨日首度返港出席護膚品活動，淺露「峰」芒吸金！剛在上海拍畢內地劇《民國恩仇錄》的她透露，老公同於當地拍攝另一劇集，故未有同行，又冧爆說：「我少去探佢班，反而佢成日嚟！（老公掛住你多啲？）係呀！」
被叫朱太好開心
問到工作繁重有否影響造人大計？她笑說：「依家努力中。（不設防？）大家明啦！（如果懷孕點安排工作？）順其自然啦！不過造人要緊，唔可以遲疑！」更揚言目前是人生中最開心的時刻：「婚後個人穩定同成熟咗，有人叫我朱太好開心！（今年要派利是！）係呀！終於有得派利是，哈哈！」
此外，Sonija表示與無綫尚有數年合約，但暫未獲安排拍劇：「公司好配合我，冇嘢做畀我留喺內地。多謝公司幫我接內地劇，我先識到我老公。」曾揚言明年才出嫁的她，強調並非刻意「瞞婚」，只是為低調：「唔想似做騷。當時我哋喺拍劇空檔飛去關島結婚，結完又即刻返去拍劇，好似拍咗場結婚戲咁！（朋友有冇投訴？）冇喎！我會補番食飯，但唔會大搞。」
影視組
提起被稱呼為「朱太」，Sonija的笑容甜到漏！
Sonija與老闆娘兼前無綫藝員簡佩筠不時咬耳仔。
新婚 郭羨妮 等 老公 送上門 造人 新婚 急 復出 搵定 奶粉錢 37歲 郭羨妮 生仔 唔遲得
留言列表
{{ article.title }}
