五人用四個月狂操，其中伊健、錢嘉樂、阿 Lo，跟林姍姍老公 Michael做 Gym食營養餐練腹肌。
探熱針
冧妻騷 伊健帶頭示愛 蒙嘉慧風騷
近年開騷例爆的鄭伊健，為帶挈一班洪興「好兄弟」，浩南哥決定義氣行先，唱歌唔多講嘢更加少，讓陳小春、謝天華、錢嘉樂、林曉峰做台上主角。
為兄弟，伊健坐歪，但冧老婆唱情歌，就帶頭唱先，在萬多觀眾面前公然示愛，台下的麵嫂蒙嘉慧，孖住春嫂應采兒，攞住熒光棒玩格劍， high爆！
五嫂冧晒
相隔十七年，古惑仔變古惑佬，個個家有嬌妻，甚至做埋老豆，就連經常被指大細路掛住玩的鄭伊健，今年一月亦同 YoYo蒙嘉慧拉埋天窗。
去年伊健開騷， YoYo以女朋友身份，只敢經後台出入，今年攞正牌，鄭太由老公的助手陪實，風騷行正門出入。四場騷，林曉峰太太康子妮因為要做和音，其餘四位阿嫂，全部坐正 panel位，聽住老公唱情歌，幾個古惑嫂，冧到暈！
蒙嘉慧、應采兒表現 high爆，老公台上唱《刀光劍影》，二人攞住瑩光棒格劍和應。 
細細粒黎姿尾場出現撐伊健，蒙嘉慧識做全晚代老公做陪客。 
全晚伊健只有一 part獨唱，觀眾唔夠喉，好彩有不少翻滾打鬥場面補數。 
集體回憶
五個人開騷，歌酬平均分，演出亦不分你我。做慣主角的伊健，刻意低調，就連五人一齊輪住唱，伊健永遠包尾，造就觀眾有機會留意到林曉峰的歌喉原來很不錯，獨唱《海闊天空》時，全場觀眾拍手唱和。
去到尾場，講好有五男剝衫晒肌重要環節，結果五缺一，陳小春食言。驚喜是「細細粒」黎姿現身睇尾場，觀眾的集體回憶，終於返晒嚟！
五子開飯時，仍然和導演錢國偉開會。 
謝天華食由老婆 Tina準備的雞飯，一個人隊晒成隻雞。 
伊健、嘉樂、阿 Lo，則依照 Michael教路，只吃營養餐。
開騷前，眾兄弟在後台拜神，上香祈求演出順利，都幾有《古惑仔》 feel。 
十多年來，身形都無乜走樣的小春，開騷前有外父親手做的豬手做晚餐，原來台灣人，「豬手」寓意一切順利。 
小春對演出十分緊張，每晚出騷前都先敷 mask。 
唱《極速》時，伊健喪跑全場。 
撰文、攝影：娛樂組
留言列表
{{ article.title }}
