霍家有頭有面，霍啟剛與「國寶」郭晶晶的婚禮豪擲 3,000萬，連搞三日「世紀婚禮」，其中喺南沙當晚更放埋煙花。看似奢華，但其實比起以往的豪門婚禮，如李家誠、許晉亨、甚至父母霍震霆、朱玲玲 34年前的婚禮，已算「節儉」。

一連 3日嘅「一生一世婚禮」終於圓滿結束。晶晶同剛剛先喺沙宣道霍家大宅行禮，翌日週六（ 10日）又要去南沙豪放百萬煙花，去到週日（ 11日）就殺入會展筵開 150席，招待官商名人。世紀婚宴重點唔係有幾豪華同使咗幾多錢，而係準「霍太」郭晶晶去到邊，都有意無意用手掩肚，「孕味」超濃。週日晚宴上，霍震霆喺台上致詞時都笑笑口：「我等到流晒口水，希望佢哋兩個快啲開枝散葉，生多啲小朋友！」

放大圖片
 

誇張封街
週日（ 11日）勁多限制，連會展門外嘅公眾地方亦唔准傳媒採訪，搞到 FBI嘅行家要報警（箭嘴）求助。

 

富二代娶國寶，世紀婚宴似足童話，但週日（ 11日）喺會展嘅婚宴場外就發生了一段小插曲，當日保安嚴密，婚宴現場嘅 3樓全部封鎖，各電梯亦有保安把守，而為讓路舉行霍家嘅婚宴，會展中心嘅展覽全部要撤出，就連會展場外嘅博覽道都封埋唔畀途人過路；甚至有記者投訴行步路都受阻冇碇企！週一（ 12日） FBI都打過畀警察公共關係科、婚宴嘅公關公司及會展等有關部門了解，點知各部門都似十足 𠵱家啲高官咁，淨係識卸膊，一係答唔清楚、一係就冇回覆。大律師黃國桐就話：「法律上要向有關環頭警處申請，不過宴會屬私人性質，咁樣封路而造成公眾不便，其實都算擾民及濫權！」

 

連環護肚

 

三場婚禮，晶晶的造型都以清麗脫俗為主，禮服不是藍色便是白色，每次出場見傳媒着住 4吋高踭鞋的晶晶都步履緩慢，企定影相時，例必一手挽着老公啟剛、一手卻一直輕護肚子，似係「雙喜臨門」喎！

 

 

放大圖片
 

 

 
放大圖片
 

 

 
 
放大圖片
 

 

 

李雲迪（圈圖） 04年已與晶晶相識，又同啟剛係好兄弟，剛晶結婚，身為「鋼琴王子」的李雲迪亦為當晚表演嘉賓，即場彈奏一曲貝多芬的〈月光〉做賀禮。

 
放大圖片
 

 

 

兩位師姐伏明霞與郭晶晶都分別上岸嫁入豪門，師妹吳敏霞（左一）會否步師姐後塵，雖然 𠵱家未有人知，但據知做晶晶伴娘嘅佢，當日同啟剛細佬兼伴郎霍啟山（右一）已經互相「抄牌」，交換電話。 

 
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄