近日娛圈爆現一群電單車黨，他們愛聯群結隊於深夜時份出動，一時跑到港島東，一時又會跑到新界西，行蹤飄忽。不過，他們總是一架跟一架，秩序井然，亦不愛超速，但由於「聲」勢浩大，所到之處都非常矚目。早前他們夜「遊」石澳，又到筲箕灣東大街開餐，車隊既有Ducati烈火戰車，又有Vespa偉士牌綿羊仔，架架隆隆聲響一字排開，場面相當壯觀。黨員謝天華、雷頌德、洪天明和方力申等飯後更齊齊影大合照，係威係勢，咪住，邊個係大佬先？
電單車黨一眾成員，出車前齊齊在戰車前影大合照。方力申這夜與女友Stephy一同現身，不過二人相當低調，影合照時離行離列，拍照後更迅速上車離去。而當晚沒有揸電單車的吳家樂，則與太太周蕙蕙飯局後先行搭的士離去。
排隊列陣
早前的晚飯時間，雷頌德、謝天華、方力申和洪天明等，駕駛着十六架電單車隆隆聲響，浩浩蕩蕩駛進筲箕灣東大街，一架跟一架整齊地泊在一間食肆門外。原來當晚這班「明星電單車黨」，相約車河夜遊港島石澳，中途在筲箕灣金東大飯店開餐，飯局上還有吳家樂夫婦、方力申與女友鄧麗欣，及黃長興等「車友」。洪天明說：「同飯店老闆熟，所以嚟食飯，呢度個藥材雞好正。」
謝天華雖然只是駕駛白色Vespa綿羊仔，但一身皮樓又戴上面巾，一絲不苟。
雷頌德一身車手打扮，由頭黑到落腳，與價值二十五萬的黑紅色Ducati Diavel戰車一樣有型。
全站熱搜
留言列表
{{ article.title }}
