鄧智偉今年作了超過 30首歌，包括《天梯》主題曲〈一生一心〉、《 On Call》主題曲〈連續劇〉及《雷霆掃毒》的〈幼稚完〉等。
2012得番 1個月，好快又到各頒獎禮開始分豬肉。每年除 咗想知邊個攞男女歌手金銀銅呀，金曲金獎又仲係咪林峯呀？上年有〈那誰〉同〈那些年〉獨霸，但今年到目前為止，你噏得出有真正金曲嗎？
本刊邀請了幾位在 12年勁多產嘅音樂人，親自揀 hot picks，不過重量級如鄧智偉及舒文，竟然都唔知今年有乜金曲，惟有勁 hard sell揀番自家作品。香港樂壇真係要振作呀！
無綫音樂總監鄧智偉：用乜歌做鈴聲就知 hit
重視網上 feedback
最後當然做唔成歌星，山窮水盡下見 TVB請配樂指導，鄧智偉即刻見工，順利加入 TVB，後來遇上樂易玲（製作資源總監）同陳佩華（前無綫藝員發展科經理）肯畀機會，開始埋首作主題曲。「由〈講不出聲〉開始，公司覺得我成績唔錯，但其實之前我已經喺 TVB捱 咗 6、 7年，唔係外面所諗咁平步青雲！」
成為 TVB主題曲 keyman，鄧智偉完全冇諗過喺頒獎禮爭獎，「對於所有獎項，我已經拋開晒，你唔會相信其他電台會無端端頒個獎畀我哋 啲主題曲，而我哋自己亦冇一個主題曲 嘅獎項。所以我好重視網上 嘅 feedback，大家心水清就知道咩叫 hit，其實街邊一個妹妹用〈幼稚完〉（《雷霆掃毒》主題曲）做鈴聲，我已經好滿足。如果有個「小妹妹鈴聲排行榜」，我諗我先會有獎攞！ Neway老闆前排同我講，話《 On Call 36小時》 1月出街，但隻主題曲霸住個 No.1去到 7月，我聽到都好開心！」
平反林峯吳卓羲
鄧智偉 5大
1.容祖兒〈連續劇〉《 On Call 36小時》主題曲
2.鍾嘉欣〈最幸福的事〉《護花危情》主題曲
3.林峯〈幼稚完〉《雷霆掃毒》主題曲
4.莊冬昕〈怪叔叔跳古怪舞〉
5.薛凱琪〈此時此刻〉《名媛望族》主題曲
C AllStar Hit歌難做
出道 3年的組合 C AllStar，上年一首〈天梯〉爆出， hit爆 K場學界，更簽約東亞旗下的寰亞唱片，今個月 23號又有第一個演唱會，終於捱出頭。
但未泊到好碼頭前， 4個成員都經歷過低潮，「當時完全唔敢同同學食飯，我唔想聽佢哋講 𠵱家有幾風光，明明嗰 啲成績差過我都賺得多過我，我真係唔想面對！班同學一出 嚟做嘢已經有 2萬 8一個月，莫講話我做新人時搵唔到，今時今日我都仲未追到佢哋 嘅人工！而且作為新組合唔會有太多 budget做碟，惟有買少件衫、用少幾轉保母車，留番 啲錢去做好 啲歌！」
新人難捱，但點都難唔過 keep住有 hit歌留粉絲，「其實當年〈天梯〉都係監製咁 啱搵到一個咁感動 嘅愛情故事，幾樣嘢配合晒先有呢隻好歌，我哋又唔會刻意要做第二隻〈天梯〉出 嚟，話晒我哋仲係新人，想試多 啲唔同曲風。我哋當然想每年都有金曲，但 hit歌唔係想做就做到 㗎！」
C AllStar 5大
1.林二汶〈 Wanna Be〉
2. Gin Lee〈今天終於一人回家〉
3.陳奕迅〈重口味〉
4. RubberBand〈睜開眼〉
5. C AllStar〈少數〉
《叱咤》又早洩
每年商台頒獎禮的得獎名單都會外洩，根據「商台女員工」透露， Eason、古巨基及方大同會包辦男歌手金銀銅；而女歌手則是容祖兒、薛凱琪同吳雨霏。其實年年都係得嗰幾個歌手玩晒，邊個攞都冇所謂啦！
容祖兒御用監製舒文：香港唔應該有樂壇！
勁愛 K-Pop
舒文 5大
1.古巨基〈初初〉
2.古巨基〈戀無可戀〉
3.吳雨霏〈我願意〉
4. MR.〈昨天〉
5.陳奕迅〈重口味〉
過江龍贏晒
廣東歌 hit唔起，反而非本地歌手勁多人 like，中國歌手曲婉婷（上）及韓國歌手 PSY（下）極速在港彈起，人氣撼贏本地薑。
長居加拿大的 29歲曲婉婷，憑住《春嬌與志明》內的插曲〈 Drenched〉、〈沒有目的地愛了〉及〈氾濫〉 hit爆，連楊千嬅都喺微博熱捧，網友更當佢女神狂讚！曲婉婷今年 8月推出專輯《我的歌聲裡》，曾長期佔據 HMV排行榜第一位；而「韓版肥 Wil」 PSY仲勁，一首神曲〈江南 Style〉搞到全港仔師奶都識跳外國有人集體跳騎馬舞， YouTube點擊率更累積到 6億幾，破晒紀錄！
仔唔聽香港歌
最強民意支持 YouTube才是王道
頒獎禮愈來愈冇公信力，好在仲有 YouTube點擊率夠客觀。以下係今年 10大高點擊率的廣東歌（以點擊率最高之版本為準），估唔到最高係連詩雅的〈到此為止〉，有 4百幾萬，但比起〈江南 Style〉有 6億，仍然係小巫見大巫喎！
民心所向，最慘係歌王歌后如陳奕迅、方大同和薛凱琪等，統統冇影！睇嚟 Eason除咗不斷巡唱搵錢之外，係時候做番多啲好歌喇喎！
莊冬昕：香港樂壇好核突！
憑住〈食軟雪糕〉同〈怪叔叔跳古怪舞〉被網友恥笑的莊冬昕，唔理作品被封膠歌，講明唔會妥協繼續膠！
「我唔係成日唔開心 嘅人，所以我做歌係盡量唔理商業元素。有幾個前輩都叫我唔好再搞呢類音樂，佢話再搞就令人對我 嘅風格定型，會減少好多機會，但我唔認同 㗎！我一定要做番自己先開心，我唔識做佢哋鍾意 嘅嘢，佢哋鍾意就自己做啦！」
留言列表
{{ article.title }}
