對於《議事論事》幾乎變死蟹，連河蟹都冇得做，柳俊江笑言：「如果係因為話主持做得差就話 啫，呢個節目冇 咗係社會 嘅損失，對關心社會 嘅人 嚟講係打擊！」
港台節目《議事論事》因廣播處長鄧忍光出手幾乎被殺，多得前線員工企硬才保得住，主持柳俊江亦表態，必須守住市面上唯一一個討論議會的節目，避免港台全面染紅。
柳俊江離開 TVB新聞部後，轉職愛護動物協會外展事務（中國及澳門）總監，今年兼任城大創意媒體教師，《議事論事》是他現時唯一的電視時事節目工作，睇見香港愈來愈亂，除了令他萌生移民念頭，更連仔都唔敢生，超悲觀！
如果 cut咗《議事論事》好可惜！因為討論議會政治 嘅時事節目只此一家，好多媒體同老百姓都同我講，要睇實唔好俾政府做傷害公義 嘅 嘢。其實《議》比 TVB新聞部更少政治考慮因素、更有自由，我 喺港台可以發表自己分析 嘅 嘢， TVB連用詞都限制，好似只可講「內地」唔可以用「國內」，港台就冇所謂。
飛哥（另一主持李鵬飛）覺得今次係政治打壓，呢點我唔猜測，但一定引起好多人去質疑同變成另一個計時炸彈，令港台 嘅威望、處長 嘅路途都變得崎嶇。
我有留意近期「港獨」 嘅事，陳雲 嘅「城邦論」只係講港人治港、高度自治，唔係「港獨」；共產主義對呢 啲 嘢好敏感，非友即敵，夾硬為香港人戴上「港獨」呢頂帽！佢 哋唔知市民爭取緊乜 嘢，家政府對於反對聲音好似一 啲都聽唔到，令我好驚訝！最後又提番 23條 嚟傷害大家情緒。香港連民族組織都冇，何來獨立？香港根本冇人搞「港獨」。
有時我都幾傷心，見到移民台灣 嘅條件我都有留意吓，有日同新西蘭籍老細傾偈，都問佢移民當地要幾多錢，萬一有事係咪後備方案呢？同老婆傾生唔生 BB，亦考慮到呢個社會係咪會令佢（ BB）辛苦？「點好呢？」呢三個字經常浮出 嚟，亦係港人最想問 嘅問題！
留言列表
{{ article.title }}
