岑麗香香香唔識「性」亂磨豆腐 @ 娛樂八掛大放送★

岑麗香香香唔識「性」亂磨豆腐

香香唔識「性」亂磨豆腐

岑麗香（香香）、苟芸慧（苟姑娘）兩位由加拿大回流返港發展的女神，講廣東話經常鬧出不少笑話，不過兩位女神原來真的「唔識性」，香香前晚綵排時突然語出驚人爆出一句：「我哋依家磨豆腐。」即時被高海寧掩嘴，當得知意思後香香尷尬到爆！

香香、苟姑娘與高海寧、何傲兒、王君馨、黃翠如等多位無綫小花前晚在無綫為台慶綵排舞蹈，眾女分為春、夏、秋、冬四個組合，擺甫影相，所有好身材的靚女如香香、苟姑娘、高海寧、何傲兒、許亦妮等被編為夏天組，相信定會性感示人。

高海寧掩嘴

前晚影相時，香香心情興奮，更邊做動作邊說：「我哋依家磨豆腐。」說罷她仍不知「講錯嘢」，此時在旁的高海寧即掩着香香的嘴，怕她講多錯多，隨即跟她咬耳仔解釋「磨豆腐」的意思，香香聽罷知衰尷尬高呼：「Oh，我唔知呀！」她還笑着叫記者不要報道出來，就算寫都不要寫得太差。記者問高海寧如何解釋給香香聽？她說：「我咪話lesbian（女同性戀者）搞嘢囉。」

掩嘴遮醜

放大圖片

高海寧（右）、何傲兒作狀咀嘴。

考慮請翻譯

受訪時香香解釋因為舞蹈中有個動作好似磨豆漿，自己並不知道「磨豆腐」的意思，經此一役，她尷尬的說：「啱啱學到啦。（好在唔係live。）所以live嗰晚我唔會講嘢。」記者提議她不如請翻譯，香香說：「都諗緊，呢排好多嘢做，想搵人幫我翻譯劇本，想搵個女仔。（搵男仔可能唔使錢。）唔好咁講。」

之後趕來綵排的苟姑娘，問她可知道何謂「磨豆腐」時，她懵閉閉的說：「唔知喎，冇聽過呢個。」記者轉告香香瘀爆失言時，苟姑娘說：「我諗佢都唔知係乜，我哋都好單純，加拿大唔會咁形容，一講磨豆腐咪就諗係真係磨豆腐囉！」

文：影視組

香香磨豆腐遭高Ling「滅口」

「宅男女神」岑麗香與苟芸慧的廣東話經常被拿來做笑柄，香香前晚綵排台慶節目時竟邊做動作，邊跟組員說：「我哋依家磨豆腐！」經高海寧解釋後才知講錯說話！

岑麗香（香香）、苟芸慧及無綫小花高海寧（高Ling）、何傲兒、王君馨及黃翠如等前晚為台慶綵排跳舞，分為春、夏、秋、冬四組擺出不同甫士，身材好及有睇頭的女神如香香、苟芸慧、高Ling、何傲兒及許亦妮等被編為夏天一組，相信屆時會性感示人！不過合照時，香香突然做出跳舞動作兼爆出一句：「我哋依家磨豆腐！」嚇呆現場眾人，高Ling即時醒目掩着香香的嘴，然後咬耳仔解釋「磨豆腐」的意思，香香知衰尷尬高呼：「Oh！我唔知呀！」

問高Ling如何向香香解釋？她說：「我咪話Lesbian搞嘢囉！」而香香解釋因為舞蹈中有個動作好似磨豆漿，自言不知道「磨豆腐」的意思，她笑說：「啱啱學到啦！（好在唔係Live？）所以Live嗰晚我唔講嘢！」她笑言有諗過請女翻譯，提到請男翻譯可能不用花錢，她說：「唔好咁講！」

龔嘉欣懶理捱鬧

至於因工作遲到的苟芸慧被問到知否「磨豆腐」的意思，她說：「唔知！冇聽過呢個！」當她知道之前香香的一番「豪語」後，即說：「我諗佢都唔知係乜，我哋都好單純，加拿大唔會咁形容，一講磨豆腐咪就諗係真係磨豆腐囉！」

另外，龔嘉欣早前與鄧健泓分手時被指搭上許家傑，更被對方女友在微博大鬧是狐狸精。對此，她坦言許家傑都有解釋，不過所指的女友只是對方的朋友，傳出緋聞後，她主動跟許家傑女友通電話解釋：「唔想影響人哋，佢同女朋友都好Sweet、好穩定，唔緊要啦！當係《拳王》入面角色（狐狸精），冇乜所謂！（許家傑係咪鍾意你？）唔係！佢成日話香香、苟姑娘靚。」她指近日沒有跟鄧健泓聯絡，問她是否Ready接受其他人追求？她說：「未！仲係好唔開心！」

影視組