媽咪姐
忽然富貴個個 like 1周順景樣樣 win
話咁快到新年，話咁快《忽然 1周》又同成班明星藝人同大家拜年！雖然依家係對住部手機篤篤篤，上 facebook問人攞心心玩 Candy Crush嘅年代，但揮春呢家嘢，真係幾時寫都咁好睇咁有意思！一筆一畫，或者畫個公仔代替，都係用心去做，獨一無二。
呢啲，咪叫誠意囉！人行你行，去花市買嘢仲要俾少咗錢嘅梁特首，就真係要學嘞。嗱，媽咪姐喺度祝大家蛇年行大運，食得瞓得玩得，日日都係 happy day呀！
曾志偉墨水多到漏
「掌門人」寫前要練字，估佢唔到咁認真。
趁新年寫揮春，一心想考吓平日牙擦擦嘅曾志偉，睇吓佢手毛筆字掂唔掂？誰不知「掌門人」原來寫得一手好字喎！雖然過程有 啲論盡，墨水沾得太多，滴到佢一褲都係，但呢 啲，福氣嚟 嘅！
謝天華 Chok住寫
人哋寫揮春，謝天華又寫揮春，但「 Laughing哥」就寫到貼晒牆，原因咪就係想寫好「金蛇報喜」呢四個大字。嗱，第二啲嘢唔講，單講 pose，贏哂！
古明華食住個勢
上年，古明華憑住「蘇基」一角，終於可以上台，仲贏咗個男配角獎返嚟。今年，「古佬」話希望可以食住舊年個勢，拍多幾套好劇俾大家睇， good吖！
泰迪羅賓老而彌 In
Band壇教祖泰迪羅賓，年屆 68歲，但佢寫 嘅揮春唔止 rock過所有人，仲話想趁新年搞番個 party㖭！咁不如約埋林子祥，拉埋隔籬嘅 Lam仔林德信一齊食住年糕 jam吓歌，型呀！
謝安琪最緊要瘦
阿仔張瞻都 5歲有多，不過身為媽咪 嘅謝安琪，每年都望回復做女嗰時 fit爆嘅身材。趁住蛇年，佢就祝大家今年可以瘦身成功、蛇腰回歸，話咁先可以收埋多 啲錢喎。嘩，呢個好，承你貴言呀！
由構思到寫字，謝安琪只係用咗 1分鐘，快靚正！
糖兄妹宣傳奇才
糖兄同糖妹平時都鍾意整蠱做怪，但當叫佢哋即席寫揮春，就鬼咁認真去諗，仲喺對聯上畫咗粒糖 sale自己㖭，創作人果然唔同 啲！
林德信蠱惑的蛇
正宗鬼仔一名 嘅 Lam仔林德信，中式揮春當然唔曉寫啦！醒目嘅佢，就選擇畫畫代替，呢張「靈蛇盤吉」唔知係乜？嗯，睇嚟佢同老竇林子祥一樣咁有藝術感，仲要係後現代嗰隻，林家有福呀！
鄭欣宜洋為中用
留言列表
{{ article.title }}
