關楚耀新歌〈佔領〉大陸禁播　關楚耀：做乜要整潔淨版？ FACE 週刊 246期 @ 娛樂八掛大放送★

關楚耀難得plug新歌〈佔領〉，但因題材對社會大控訴，傳被大陸禁播，問到關楚耀會唔會改過歌詞變「潔淨版」，佢就好頭痛話：「吓，又唔係粗口，做乜要整個潔淨版呀？」而佢身後嘅MastaMic亦晒頭。

3年前同衞詩於日本因吸毒被捕嘅關楚耀（Kelvin），雖然前年已回歸樂壇，但一直冇起色，上年更只得〈別再躲〉一首派台歌。雖則冇乜搞作，但唱片公司環球依然錫住佢，3月仲幫Kelvin推出新曲加精選大碟，最近狂谷佢自己及馮翰銘作曲嘅新歌〈佔領〉。

今次關楚耀唔玩情情塔塔，改玩大控訴，由小克填詞嘅新歌〈佔領〉，內容涉及對政府操縱人民思想，仲控訴金融霸權主義，激到「共挽手去推翻」。Kelvin唱得勁有火，首歌更食正timing，安排上週三財爺曾俊華發表財政報告當日派台，雖然香港電台狂谷，但FBI收到風，話〈佔領〉首歌內容因極度敏感，所以內地封殺。
週一（6日），關楚耀去新城做訪問時，FBI即捉住佢問有關新歌被大陸封殺一事，佢好有吉士，仲講明唔會整個潔淨版，一於企硬！「自己唱嘅時候，冇留意咁多深層含意，我只係關心自己唱成點，但估唔到內地真係咁敏感。」學阿佘喺《天與地》話齋：「和諧唔係一百個人講同一番話……。」Kelvin今次咁大膽，睇吓翻唔翻到身啦！

你控制全球視聽你控制這世代理想類型你控制行為習性你控制羊群叫喊聲笑喊聲 Rap：世界由邊個去操縱世人被影子幕後去操控少數嘅頂峰掌控呢片天空同天空下嘅大同只存在夢中我佔領全城路徑我佔領我腦內國境便覺醒我佔領同袍和應我佔領來爬上塔尖刺穿眼睛摧毀權勢堆積的堡壘來草擬新規矩誰人來摧毀含咖啡因的思緒來吞乾這一杯清水尋脈搏造細胞刺激新味蕾 Rap：被控制嘅思維被控制嘅軀體拘泥係用錢幣建立嘅體制所謂盛世係用被控制奴隸嘅一切嚟堆砌你控制浮華亂政你控制你背後暗影是個影我佔領懸崖絕嶺我佔領來爬上塔尖刺穿眼睛摧毀權勢堆積的堡壘來草擬新規矩誰人來摧毀含咖啡因的思緒來吞乾這一杯清水尋脈搏造細胞刺激新味蕾考驗理念結聚一刻變天同渡血河共濟災禍 (rap：華爾首爾連成一線大笨鐘鐵塔開始蔓延) 慢慢滲入對付塔頂一巴仙 (rap：歌劇院維港亦被感染解放如箭在弦) 摧毀財富堆積的堡壘來撕破這面具誰人來摧毀貧富之間的差距平均分予每個族裔 (rap: 爭取會被視為異類) 摧毀奴化社會式倒退 (rap: 繼續霸佔每一物佔領就會延續至每一日) 誰人能摧毀塗炭中新的依據如飛灰擴散已下墜 (rap: Wake Up Wake Up & Wake Up) 同面對共挽手去推翻 (rap: Get Up Get up & Get up) 同合作共建築世間新秩序

大陸網民感動
〈佔領〉一曲，主唱係關楚耀，而新紮rapper MastaMic就負責rap部分，當中一句「世人被影子幕後去操縱」，好明顯寸爆當權者。有大陸網民聽過〈佔領〉一曲，就話係好感動。亦有網民反思自己係咪舊體制擁護者。 ####

土豆封殺
FBI曾多次嘗試將《佔領》MV上載到大陸土豆網，但就彈出一句回覆話上載嘅節目有不宜公開嘅成分，仲叮囑FBI唔好再上載類似視頻咁話。