由朝早7點15分起跑嘅Edison，用咗3小時55分完成42公里嘅全馬賽程後，猛喘氣，狂皺眉塊面青晒不特止，眼袋仲又大又黑，好彩佢冇暈低。
一年一度盛事渣打馬拉松週日晨早舉行，今年參加人數超過7萬人破晒紀錄，仲有唔少娛樂圈中人參加，連負面新聞多籮籮嘅Edison都被傳借跑馬拉松洗底，仲係跑最長嘅全馬。
FBI所見，當日Edison一早已到彌敦道起跑點做warm up，當時仲好精神，但以3小時55分跑到維園終點時，即成個人殘晒，唔只揦埋口面，仲所有黑眼圈、皺紋全部現形，事後更被在場記者問佢係咪為洗底而跑，Edison即時發難話：「你哋想講乜就講乜，唔明點解咁都要有負面嘢！」
有練開跑步嘅FBI深明要跑42公里其實一啲都唔簡單，所以Edison能夠順利完成，FBI都要為佢鼓掌！ ####
跑前生猛
開跑前Edison就當眾做晒warm up，當時仲鬼咁精神。
跑到終點維園後雖然攰到死，但仍好有風度同其他參賽者握手。
臨場換布
每個參賽者運動衫上都會掛上號碼牌，而Edison亦唔例外。而最離奇係Edison塊號碼布上嘅名竟由Chen Hon Hing（Edison原名陳漢興）變成Chan Hon Pang。佢話貪得意同朋友調換，咁都得？
難得Edison化身平民現身賽道，唔少參加者都捉住佢影合照。
做開運動嘅鍾舒漫就帶埋英皇同門師弟妹，陳家樂同湯怡一齊跑最短距離嘅10公里。最後Sherman以1小時05分完成，但湯怡就同陳家樂用咗58分鐘就搞掂。Sherman俾師妹爬頭喎！
年年都參加嘅劉心悠，有晒經驗，所以起跑時跑得鬼咁輕鬆。最後佢以1小時17分完成，比上年快咗15分鐘。
全站熱搜
留言列表
{{ article.title }}
