婚禮試演
去年5月，Marie出席活動時就穿上婚紗，一副待嫁新娘的樣子，有傳同年8月她與男友薛嘉麟在夏威夷慶祝生日對，已秘密註冊。《蘋果日報》圖片
上月在公開活動承認早前於夏威夷不幸小產的諸葛紫岐（Marie），經過個多月調養身子，終落實與男友Neway二少薛嘉麟下月20日結婚，並耗資過千萬於會展筵開120席大宴親朋。
婚禮有體面，儀式亦要鋪張，據悉一對新人秘密訂大紅花轎，結婚當日會於九肚山愛巢遊街晒幸福，實行過門行大運，踢走衰氣。
1月由美國度假返港，忍痛出席活動的諸葛，聲淚俱下承認流產，激動說：「我哋全部笑唔出」，暗示陳法拉多事。好在28歲Marie勝在後生，經御用中醫師閻慶生調理身體，加上準老公薛二少細心照料，她已在微博話「胖的，暈！」積極養肥自己等生龍B。
九肚山兜圈
仲有一個月就結婚的Marie，原本想簡單搞個百圍婚宴，但最後因薛家兩老想鋪張，遂建議她坐大紅花轎過門。知情人士透露：「老人家話要搞得風光啲，話不如坐大紅花轎過門，繞住新人同老爺奶奶住嘅九肚山兜圈，斟茶過大禮後乘轎折返，沿途打鑼打鼓，有氣氛兼行大運。」據知Marie已訂做一套幾十萬全人手縫製的中式裙褂，加埋七、八套總值180萬的婚紗晚裝，多套百萬鑽飾和每席2萬元的無翅環保酒席，加埋豪包男女家外地親友住宿機票，Marie正準備「320千萬世紀婚禮」，公主出嫁。本刊向一些婚禮顧問公司查詢，租用花轎使費不算貴，只需4千元起，但租轎伕及儀仗樂隊則另計，轎伕動輒十多人要成7千元，鳳冠、霞帔、新郎長衫馬褂及雜費等加埋數萬元，不過對Neway太子來講只係濕濕碎。
體貼新抱
公開話冇「揀錯人」的Marie，有老公及奶奶錫住，她亦樂於做個孝順新抱。週日（5日），Marie陪實準夫婿薛嘉麟同未來奶奶薛老太，三人行到中環ifc行街兼食飯。 3人到「和歌山」食拉麵，Marie與未來奶奶並排而坐，有講有笑，相信已走出小產陰霾，她亦十分開胃，將一大碗拉麵吃光。本刊記者上前慰問Marie，Marie即怕醜地立刻穿回外衣，當記者問薛老太會送甚麼厚禮給Marie時，面對突如其來的採訪，本來正在搽潤唇膏的薛老太笑住回答：「籌備緊囉！未決定。」見到奶奶有點尷尬，Marie識做地搶答：「心意囉！」3人笑容一致，離開餐廳。步出日本餐廳後，Marie更叫薛老太讓記者拍照：「媽咪過嚟呢邊。」叫得親切又順口，Marie呢個新抱真識氹人！
趕造龍B
今年龍年，唔少藝員明星都趕住生番個龍仔龍女，好似楊千嬅同Kelly陳慧琳咁！將於3月下嫁薛嘉麟嘅諸葛紫岐亦唔例外，話結婚後會不設防，望盡快生夠3個，做賢妻良母喎！薛氏伉儷嘅龍B未出世前，用《BabyBuilder》app做張合成照睇吓BB似邊個。
千五萬豪搞
####
花轎過門路線
奶奶錫晒
週日薛老太跑完馬拉松，細仔薛嘉麟拖埋老婆諸葛陪媽咪到ifc一日本餐廳食麵。諸葛一見鏡頭就縮，反而未來奶奶笑晒認話：「籌備緊（婚禮）。」一睇就知佢幾滿意新抱啦！
微博晒命月初，Marie上載大頭照到微博，並稱自己為籌備婚事而忙個不停，老婆搞掂晒，老公可以放心啦！
拖實老婆
飯後，薛家一行三人返回坐架離開，今次Marie等奶奶先上車，果然孝順。
勇敢面對上月含淚承認小產嘅Marie，經過1個月的身心調整現已走出陰霾，更大談婚後不設防，積極造人。
'10睇中醫 10年，Marie拖埋老公去睇中醫調理身子，嗰時仲未註冊嘅佢，已一心嫁入薛家，仲已準備好做媽媽添。《忽然1周》圖片
留言列表
{{ article.title }}
