免費電視開放新頻道，無綫面臨花旦小生逃亡潮，有人為錢離巢，有人趁亂攝位。連觀眾緣一向麻麻的徐子珊，《潛行狙擊》、《法證先鋒III》重頭劇一部接一部，明年做硬新四大花旦。
徐子珊升呢做當紮花旦，亦是補了離巢姣精佘詩曼位置，唔理天王蛋散、幕前定幕後，只要有合作包保被電冇走甩。緋聞男友吳卓羲對國模張馨予死忠，徐子珊亦不愁冇仔，上週四被本刊發現轉軚改溝貌似吳建豪的6呎型男，二人更拍拖行超市掃貨再返香閨，徐子珊成個滋潤晒！


32歲徐子珊，自從05年當選港姐冠軍以來，一向生財有道，本刊更揭發早於去年以1,080萬孖阿媽豪買貝沙灣大宅。事實擺在眼前，徐子珊早前向記者表示900呎大宅除了間中招呼母親及家姐居住外，通常獨居。上週四（29日），本刊發現她以hea爆素顏與型男在寓所出現。

素顏伴遊
平時拍劇電力十足，豐潤厚唇一出誘爆毒男，上週四（29日）傍晚，徐子珊卻是披頭散髮又素顏、一件連帽外套、配上一條鬆身師奶運動褲，腳踢一對平底人字拖，出現貝沙灣附近的數碼港超級市場。素顏蒼白變無眉道人未算奇、黑超都唔戴番副亦未算奇，最奇係不修邊幅最hea一刻，徐子珊身邊竟有個長髮留鬚高大型男陪伴。唔介意以最街坊一面示人、又可以貼身出入貝沙灣豪宅，關係不尋常。

專一男友
據知情人士透露，原來貌以吳建豪的高大型男洋名Deil，是本港著名星級髮型屋Hair的資深髮型師。「子珊髮型係Hair贊助，Deil都有幫過佢整頭，雖然御用髮型師唔係Deil，但佢哋兩個私底下好熟。Deil入行十幾年，出名對女朋友專一又細心，識佢都知佢好錫女朋友，佢都係呢幾個月同子珊愈行愈埋。」徐子珊與Deil私人感情有幾深厚？當晚二人街坊裝行超市，默契掃貨揀齊即食麵、薯片等等家庭用品，埋單時Deil乖乖企埋一邊等子珊碌咭，買完熟路取車上樓，老夫老妻姿態，一睇就知交情非淺。徐子珊入行6年，身邊緋聞男友唔係紅星富商就係當家小生，今次轉口味轉投髮型師懷抱，本刊週一（3日）於台慶亮燈典禮中，問到二人關係時，徐子珊只說：「佢係我髮型師啫，你哋諗得太多喇！」其後記者再追問兩人同返香閨時，徐經理人即阻止：「夠啦夠啦，你哋唔好再問呢啲嘢喇！」拍拖啫，雖然唔係紅星，都冇必要咁避忌呀！

剎那光輝
徐子珊04年是四料港姐，大熱當選，07年曾經出過唱片派台跳舞快歌，一首〈Hit Me〉頗受宅男歡迎。不過唱片公司結業，拍劇為主的徐子珊卻因為外形開放、冶艷，觀眾緣比法拉、鍾嘉欣等同輩花旦差一截。

認唔出自己
週一（3日）晚上，徐子珊盛裝打扮出席台慶亮燈時，一見上週素顏shopping樣自己都認唔出：「呢個邊個嚟㗎？（係你呀！）呢個髮型師嚟㗎，你哋諗得太多喇！」記者反駁髮型師登堂入室其貝沙灣住所，即被其無綫經理人終止訪問。

新歡：「我要搵錢！」
徐子珊新歡的Facebook名叫Siu Yat Nam，最近分享一則潮文，感慨發表要搵多啲錢、不再被人以錢衡量，唔通新女友畀壓力？

大小通吃
入行6年的徐子珊，初出道已經因為在電台節目大談性經驗，形象開放過頭被無綫雪藏。此事過後緋聞依然不斷、緋聞男友對像更橫跨不同身份階層。

02年　入行即撇
徐子珊在舞台劇《細鳳》出演二打六時，認識主演兼劇作家男友，即時有機會做女主角。不過相戀3年，女友搭上黎明後即被撇。

05年　天王送車
當選港姐後因一次電視台訪問，徐子珊冧掂天王黎明，並獲黎明指定主演新電訊廣告。同時更有得搬私人樓揸30萬Mini Cooper。

06年　溝掂導演
突然與杜琪峯高徒游乃海傳緋聞，再被帶挈登上大銀幕拍《跟蹤》，並因此獲得金像獎新人獎。

10年　姣掂殼王
已婚無綫新主子陳國強與徐子珊傳緋聞，無綫人人叫走，徐卻提前獲續約5年加薪3成，兼重頭劇輪住拍。 ####


拍拖煮飯仔
上週四（上月29日）約晚上7時，只黐了假睫毛的素顏徐子珊跟六呎型男齊齊到貝沙灣的百佳超市掃貨，據知型男叫Deil Siu，於髮型屋Hair任職髮型師，雖然二人刻意低調，但見他們一個推車一個查單十分有默契，應該不似初相識。


徐子珊新歡身高6呎長頭髮，勁有台灣型男吳建豪feel。


親嘴撻着年初徐子珊跟吳卓羲拍攝《法證先鋒III》時，傳兩人因拍咀戲咀出真感情，可惜吳卓羲情傾北妹張馨予，之後張馨予更在微博稱：「保佑香腸姐姐遠離我的視線」，暗指徐子珊係小三。對於徐子珊新歡，吳卓羲週一只說：「知佢係髮型師，唔知佢乜名喎！」態度冷淡。



認定張馨予雖然張馨予跟吳卓羲多次拍拖被撞破，但吳仍對女友不離不棄，早前更專程飛往北京探女友，二人在酒店拉推間再次斷正。《蘋果日報》圖片


用咭找數男友將貨物放上收銀櫃，徐子珊再攞信用咭找數。


買埋生果徐子珊當日除了買啤梨（箭嘴）外，還買了大量薯片和即食麵（小圖），連礦泉水都買咗兩支，乜咁慘要男友食公仔麵撈薯片醫肚呀？


落街踢拖之後型男將成架購物車推去徐子珊座駕再上貨，踢住對人字拖的徐子珊就睇型男執嘢，肯畀烏where樣人見，應該關係非淺啦！


齊返豪宅掃完貨，徐子珊車埋男友返回貝沙灣寓所度春宵。


《潛行狙擊》谷起咗黃宗澤同陳法拉，Laughing謝天華亦翻生，剩低徐子珊冇乜人討論。




呢個邊個嚟㗎？



Deil的Facebook相簿以工作相片為主，少見透露感情生活，唯一真情流露是對住愛貓，床上還擺了餵貓食藥的針筒。



溫迪倫


黎明


游乃海


陳國強

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄