周秀娜（ Chrissie）噚日以 tube dress幫間賣皮鞋同手袋嘅專門店行騷，同場仲有個男模特兒跪喺地幫 Chrissie換鞋，但呢位仁兄竟然面紅紅，唔知係咪見到 Chrissie裙底春色？不過 Chrissie就話感覺好浪漫：「當時我處於幸福狀態，有少少當咗佢係我男朋友，佢幫我換鞋，自己好似係公主，着緊玻璃鞋嘅感覺，我媽咪仲提醒我唔好叫男仔幫自己挽鞋。」
放大圖片 
娜姐之前喺馬來西亞拍戲整傷隻腳，噚日仲貼住紗布出嚟。
放大圖片 
周秀娜獲男模跪地幫佢換鞋，搞到娜姐受寵若驚。
拍完星爺新戲
Chrissie之前喺馬來西亞拍戲整傷隻腳，原來到家都未好返，傷口仲要用紗布包住，因為仲有血水滲出嚟。問佢怕唔怕有疤痕，佢話：「家醫學科技咁犀利，可以解決疤痕呢件事。」 Chrissie仲透露剛剛完成周星馳新戲《除魔傳奇》，不過佢只係肯講同舒淇、文章有對手戲。同場仲有戚黛黛，佢話之前收到王維基嘅挖角短訊，不過佢 9月先續約亞視，加上有感工作量都 ok，所以冇回覆對方。 
（左起）李樂詩、 Queenie Chan、陳霽平、陳穎妍同戚黛黛噚日都嚟撐場。
文章標籤
全站熱搜
留言列表
{{ article.title }}
