世紀拖手
明知記者影相，哥哥一於少理向前走，反而唐唐唔放心，望返轉頭。
當年今周
哥哥的左手
上期講到張可頤當年與同性密友鄧霓儀喺街頭耍花槍，令媽咪姐不期然諗番起哥哥張國榮。
2001年 10月《忽周》第 323期，當時已經相戀 16年嘅哥哥同唐唐，首次被拍到喺街頭公然拖手。其實呢 pair俊男戀人早就發現有記者影相，但至情至性嘅哥哥，懶理世人目光，用左手牽起唐唐嘅右手，大踏步直入酒吧會合其他猛男朋友，成就呢幅轟動全城、震撼同志界嘅 sweet爆畫面。
大家試諗吓，今時今日趙式芝跟同性密友結婚，搞搞下竟然會上咗外國報紙。 11年前哥哥呢個舉動，真係幾咁勇呢！記得佢喺〈左右手〉入面就唱過：「從那天起我不辨別前後？從那天起我戀上我左手？」愛，好多時就係無得解釋嘅，正如哥哥一去 9年，媽咪姐同好多歌迷一樣，仍然好懷念情深嘅佢。哥哥， I always miss you！
哥哥食住煙出嚟接唐唐，春風滿面。
愛不悔
哥哥一手拖唐唐入酒吧， so man so sweet！
檔案編號第 323期
日期： 06/10/2001
拖手真經典
圈中人對戀情一向避忌，驚損事業驚阻溝女驚俾人笑，總之乜都驚餐死！但耐唔耐，總有啲「勇士」喺鎂光燈下，大方拖手任影。背後為乜原因都好啦，嗰一刻，勁型！
洪寶戀
99年， 40歲嘅洪朝豐同劉鑾雄前妻、 46歲嘅寶詠琴跨界相戀，高調拖手公開戀情。但之後二人鬧翻，女方病逝，男方曾被封為「四大癲王」之一！幸近年終重回正軌，再度開咪。
王鋒戀
00年 6月， 30歲嘅王菲同 19歲嘅謝霆鋒去完康城影帝梁朝偉嘅慶祝 party後，女方喺酒吧門外 3度拖實男方隻手，睇吓霆鋒含羞嘅表情，呢個可謂圈中姊弟戀嘅經典場面。
東芝戀
又係 00年 6月，張栢芝同陳曉東喺太古廣場撐枱腳，東東見記者影相，主動同栢芝十指緊扣。更戲劇性嘅係，女方之後介入王鋒戀，同霆鋒離離合合多次，終於 06年結婚並誕下兩子。之後嘅事，就唔使講啦！
劉朱戀
留言列表
{{ article.title }}
