我得寵：廖碧兒學接生 一屋狗寶貝 
廖碧兒養了五隻玩具貴婦狗，採訪當日只帶Kahlua和Latte亮相，已令她忙到不得了。攝影：林德雄
自小在外國長大的廖碧兒（Bernice），在圈中出名是愛狗之人，在外國養大狗的她回流香港後改養小狗，現在她養了五隻玩具貴婦狗，更曾在獸醫通過視像協助下為愛犬接生，永世難忘。撰文：魯萍
廖碧兒自幼在加拿大成長，八歲開始飼養寵物，因為環境合適，她偏好體形較大的狗隻，直至來港發展，工作加上居住環境狹窄，無意再養寵物。大約八年前，一位朋友因結婚，打算結束經營的寵物店，多次要求Bernice到店舖，因為有隻玩具貴婦狗需要一位主人，這就是她第一次和愛犬Mac相遇：「我去過間舖三次，佢當時仲好細隻，最後嗰次，我抱上膝頭佢就喺我身上屙尿，最後就抱咗佢返屋企養。」
一隻狗太孤單，Bernice決定為Mac娶老婆，帶來了新成員Bailey，還為牠們舉辦了一場婚禮。Mac結婚洞房好快就有喜，Bernice更親手為四胞胎接生：「醫生睇住視像教我接生，最後出世嗰隻出嚟個樣已經唔同其他幾隻，撐咗幾日最後都唔得。」存活下來的有家姐Latte、哥哥Kahlua和細佬Cappuccino。
在外國養慣大狗的廖碧兒，回流香港後改養小狗。 
廖碧兒怕Mac孤單，為牠娶了狗女Bailey，這對活寶貝很快更生下四胞胎。微博圖片 震狗最叻做戲
除Latte，其他都做了絕育手術，Latte添了兩個狗BB，但生產時Bernice正在加拿大拍電影，她說：「Latte大咗肚五個星期先知有咗，之前以為佢肥咗，冇心理準備，但嗰時咁啱又唔喺香港，要助手接生，我用視像睇住，四隻有兩隻死咗，之後嗰兩隻送咗畀助手養。」
Mac成為家中老大，其他成員以牠馬首是瞻，Bernice說：「啱啱養Mac時，試過有次返到屋企發覺停電，有條電線咬爛咗，而佢啲毛最鬈，我估係嗰次咬電線電鬈咗，Mac應該係講咗畀其他成員知唔可以咬電線，之後再冇發生過。每次開餐，如果Mac未食，其他都唔敢食。」
為方便照顧，Bernice通常輪流帶兩隻外出，採訪當天就只帶Latte和Kahlua出來，Latte被主人抱在懷裏，竟然全身抖震，Bernice笑說：「唔好以為佢驚，扮嘢㗎！佢最叻做戲。」當Bernice到更衣室換衫時，兩狗被困在球場等候，Latte多次試圖在門下的罅隙逃走找主人，Kahlua則呆坐一邊悶悶不樂，終於等到主人現身，即刻調轉頭跑入球場玩，變臉媲美四川劇。
愛犬要飲水，廖碧兒親自服侍，無微不至。 
Kahlua和Latte是動物醫生，廖碧兒會輪流帶愛犬做慈善探訪。 諗計方便陪瞓
同出一胎，但Kahlua體形比Latte大足一個碼，Bernice說牠要減肥：「佢偷食最叻，最鍾意打橫行，隻眼望住我，睇吓我係咪住佢，一冇眼神接觸，就即刻走去偷食，可以咬穿三層膠袋偷糧食，咬爛晒膠袋之後，其餘幾隻叼走分嚟食，佢自己就喺堆糧上面瞓着咗。」
五隻狗中只有Mac同Bailey可以陪主人Bernice上床睡，其餘三隻因為體形細跳不到上床，她朝早會放一把梯在床邊讓愛犬跳上床：「好多時出trip，幾日冇返佢哋投訴，會周圍屙尿表達不滿，上床就會喺床屙尿。」
髮型、化妝：Pauline Chan
人狗步行關注乳癌
除了Mac之外，其餘四犬都成為動物醫生，狗醫生主要是為病人及有需要人士帶來生理及心理的健康治療，廖碧兒會輪流帶愛犬做慈善探訪，有次她帶了Bailey到醫院探訪一名重病小女孩，牠為女孩帶來歡樂：「我覺得好有意思。」
閒時摸胸自檢
本月28日香港乳癌基金在山頂舉行乳健同行2012活動，Bernice會以大使身份帶同兩愛犬參與，人狗同樂喚起市民關注乳癌問題，她說：「乳癌患者年輕化，工作壓力大都會影響身體，應該要正視呢個問題，每個人都有自己責任，檢查好重要，我都試過有次摸到個胸同平時有啲唔同，即刻去做檢查。個步行活動，主人可以同寵物扮靚靚一齊參加，等多啲人關注，同樣都係一個有意義慈善工作。」
留言列表
{{ article.title }}
