近期電視圈掀起嘅「挖角風波」，最大得着莫過於一眾藝人，事關佢哋跳槽定留低嘅都唔係重點，重點係即使留低與否，個個身價都因呢個風波而水漲船高，即使冇鄭嘉穎咁好加16倍人工，都一定唔會差得去邊。


就好似早前冷手執咗徐子珊唔do嘅《東西宮略》嘅索腿陳敏之，就講明留低做「親生女」喇。喺上個星期，FBI咁啱撞見拍緊《東西宮略》嘅佢，冇落妝，仲set住個古裝頭蛇出清水灣半島試一架約值30萬嘅二手豐田七人車，腿神加個古裝頭，難怪途人見到都唔停睥實佢啦。喺TVB拍劇出名忙到有得震冇得瞓，大家見到陳敏之連買車都冇時間落妝，明點解。 ####


正所謂「觀音頭掃把腳」呢句嘢用喺陳敏之身上啱晒，你睇佢嗰日「古裝頭、現代身」嘅打扮真係唔知話佢屬於邊個朝代好。


敏之心急試新車，搞到拍緊《東西宮略》途中都要急住嚟試呢架30萬豐田七人車。佢呢身造型咁古怪，途人經過都忍唔住望兩眼。


嗰日唔知係咪敏之男友William唔得閒陪佢，所以call咗另一個男性friend去陪佢試新車。


腿神一路睇車一路對住經紀指手劃腳，似乎好有要求。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄