句句金
句句金
趟式芝（ GiGi）跟同性密友楊如芯早前宣布已於法國結婚，事後其父趙世曾發聲明否認婚事，又說動用 5億招婿。日前 GiGi接受英國《獨立報》訪問，就坦言：
「我爸爸唔想我出櫃，想我同男人結婚，提高社會地位。」
係咯，講嚟講去咪為錢為面子啫！都係見慣豪門恩怨嘅 GiGi心水最清。
王祖藍成為今年十大傑出青年之一，周日（ 30日）帶埋家人和女友出席頒獎禮，他有感而發：
「嫲嫲、阿媽同佢（李亞男）都喺度，今日呢件事嘅重要程度可媲美結婚！」
又話重要又講結婚，但就係唔講女友個名喎！大方啲啦，祖藍。 
中秋節當日，陳豪同女友陳茵媺齊齊出席《天梯》宣傳活動，有個遊戲係揀「命中注定情人」，陳生居然矇查查揀咗羅蘭姐，佢即刻話：
「好彩揀羅蘭姐，唔係就大件事！」
從呢句說話，我哋分析到兩件事，一係陳茵媺嘅醋勁應該唔細，二係陳生怕女友，會發達囉！ 
早前吳卓羲同人妻梁靖琪（ Toby）到三亞拍戲，被影到在泳池攬錫， Toby回港即時俾老爺照肺。但吳生日前仲死撐話：
「我哋識咗十幾年，一向都係咁玩，總之下次會小心啲。」
嘩，仲想有下次？阿吳生，你就話個 file花晒唔差在啫，但唔係想搞到人哋家變吓嘛？ 
憑《那些年，我們一起追的女孩》一片成名的台灣作家九把刀，日前被影到單拖去買碟兼食鐵板燒，女友全程無影，佢神情落寞。不過九把刀就話：
「我蠻喜歡一個人出門，孤獨但不寂寞。」
作家即係作家，用字都精警過人！但孤獨而唔寂寞呢個境界，睇怕唔係常人可以做到喎。 
全站熱搜
留言列表
{{ article.title }}
