Katherine!定 Catherine?　起雙飛噩夢 @ 娛樂八掛大放送★

個人覺得，呢隻 Game屬必買之作！如果你以為我係被兩個好多肉色嘅封面，又或者以為我好冧兩個靚女主角所以買 Game？咁就錯晒！隻 Game係 Atlus名牌作《女神異聞錄》班底製作，而且遊戲充滿三角戀、一夜情、噩夢幻境等元素，所以我先覺得過癮吸引啫；咦？點解打打吓稿流鼻血嘅？文：阿洛

男人都會犯嘅錯

算啦，我認喇，係！我未睇隻 Game玩咩就已經被兩女一男嘅主角設定引咗去；不過錯有錯着，隻 Game的確有啲料到，《女神》班底有保證，個故事仲好吸引！主角係一個無論工作同戀愛，都抱消極態度嘅 32歲男人（我已經投入咗半個身喇），而且佢仲有個拍咗 5年拖，就快結婚嘅 OL眼鏡娘女朋友—— Katherine（呢個樣我又好 Buy喎）！最正係某日佢喺酒吧識到件同女友個名讀音一樣嘅 Catherine，忍唔住就發生咗一夜情……喂！我明喎！你睇見佢食 Pizza個樣都忍唔住打電話叫外賣啦！不過之後， Vincent就晚晚發噩夢，喺夢境中被折磨……！

放大圖片
男主角 Vincent

男主角 Vincent

放大圖片
OL舊菜 Katherine

OL舊菜 Katherine

避開恐怖 BB 放大圖片
■色字頭上一把刀，兩個女主角咁索，直情係開山刀。

■色字頭上一把刀，兩個女主角咁索，直情係開山刀。

咁隻 Game玩咩呢？原來佢居住嘅城市有一個傳聞，如果夢見無盡掉落嘅夢，唔馬上彈起身就會無命。於是動作部份就係要喺每晚發夢嘅世界中操控男主角，一邊避開來襲嘅恐怖怪物 BB，一邊移動向上爬到頂點咁就過關；但係要留意，喺踏足點嘅石塊會一路崩壞，爬得唔夠快跌落嚟，你就 Game Over！

放大圖片
■遊戲有好多解謎要素，唔識日文都幾濕滯。

■遊戲有好多解謎要素，唔識日文都幾濕滯。

放大圖片
■點解我個 Catherine會變成咁 o架？

■點解我個 Catherine會變成咁 o架？

放大圖片
■成隻 Game個氣氛都好詭異！

■成隻 Game個氣氛都好詭異！

放大圖片
■拍咗 5年拖嘅女友，好難揀呀！

■拍咗 5年拖嘅女友，好難揀呀！

羔羊吹水站

冒險元素都好強，男主角會喺日常同夢境中穿梭收集情報，好似日常收工就會去「迷途羔羊酒吧」，一支啤酒一班老友吹吓水；而喺夢境之中，亦會喺迷宮中同班羔羊人對話，咁先能夠推進劇情。除跟隨劇情嘅遊戲部份，仲有考智力嘅小遊戲，就係要主角推動或拉動石頭，砌出踏腳階梯，計時鬥快向上爬，而石塊仲會有不同效果；例如突然生刺拮你，又或者踩上去會爆炸，非常大整蠱；不過有時爆炸效果，又有可能會炸出通道……嗱，係咪聽落都覺得好玩先？唔係淨係得兩個靚女 o架！

放大圖片
■現實中男主角嘅朋友，分擔男主角煩惱。