上星期五（二十一日），詹瑞文（詹Sir）首次進佔紅館，演出一連兩晚的棟篤笑《踢館》。而為與林海峰及黃子華睇齊，詹Sir出盡全力催谷票房，破例在無綫演出《詹Sir踩過界》外，又不惜惡搞劉德華的hit歌並拍成MV，放在Youtube上幫助宣傳。

怎料詹Sir扮劉華竟惹來極大迴響，難怪他一於打蛇隨棍上，不但在棟篤笑當日再扮劉華演唱，更把自己的總部辦公室，搬到九龍灣的億京中心，正正是劉華辦公室的樓上，係咪想騎住劉天王先？

上周五（二十一日），詹Sir在紅館演出的棟篤笑《踢館》，一開場便扮劉華，學足劉天王早前在紅館開演唱會般展露胸肌的造型。

惡搞名曲

詹瑞文（詹Sir）早前學足劉德華，惡搞其演唱會主題曲〈I don't wanna say goodbye〉，把歌詞改成粗鄙版來諷刺時弊，還學足劉華的台風和唱腔拍成MV；劉華在MV中回顧昔日演唱各種舞步，他就回顧多年來演出的棟篤笑片段，令人捧腹大笑。

詹Sir將MV放在Youtube後，成功獲得逾一百六十萬點擊率，更引起全城話題，之後他再扮成台灣女歌手謝金燕唱〈嘟嘟嘟〉，以及演繹與MC Jin和陳奐仁合作的原唱創作歌〈放棄不如放臭屁〉，但迴響就不及扮劉華般大。

既然惡搞劉華如此受歡迎，詹Sir一於咬住唔放，在一連兩晚的紅館Show中，更索性學足劉華早前開演唱會的造型，大唱粗鄙版〈I don't wanna say goodbye〉之餘，又改編了劉華的名曲〈無間道〉變成〈尋米路〉，還大開中門露出一身肥肉，玩埋早前劉華演唱會露出六嚿腹肌的經典一幕，可謂抽水抽到盡。

詹Sir早前惡搞劉華的MV〈I don't wanna say goodbye〉，放在Youtube上播放，竟然有逾一百六十萬的驚人點擊率。

九龍灣的億京中心，既有天王劉華的歌迷會總部及辦公室搬入，又有詹Sir進駐，連IFPI國際唱片業協會亦租用了其中一單位，可謂星光熠熠。

詹Sir位於億京二十九樓的辦公室，雖然只有劉華的總部一半面積，但已經有八千呎，十分寬敞，月租六萬多元。

公司logo勁搶眼

門口掛舊海報

劉華位於億京九樓的「華仔天地」總部，採用全白色設計，辦公室內，更有不少劉華珍藏的figure及獎項。

大笠高帽

雖然有傳劉華對此不太高興，但詹Sir卻調皮地說：「玩完歌其實我都有叫同事SMS話佢知，華仔係做大事嘅人，唔會為呢啲嘢唔開心。」咁大頂高帽笠落嚟，點嬲得落呀？

無巧不成話，本刊發現，詹Sir早前更把總部「PIP文化產業」的辦公室，由灣仔藝術中心搬到劉華的歌迷會「華仔天地」及辦公室樓上，而且足足高出二十層，實行「騎住」劉華。據資料顯示，劉華是在○九年以約六千六百多萬元購入該單位，至於詹Sir則在多月前以六萬多元租了細劉華近一倍的單位，成本可說差天共地。

早前詹Sir為準備棟篤笑，就經常出入公司，而且學足劉華的天皇巨星架勢，到隔壁街的餐廳吃飯，也由專車接送。

詹Sir近日經常出入九龍灣的辦公室，他午間到附近的餐廳吃飯，亦有專車接送，甚有天王級的派頭。

詹Sir與女友人一起吃午飯，傾談時動作表情多多，猶如在舞台上表演。

不過，說到底，詹Sir咬住劉華唔放，無非是錢字行頭，借助其巨星的名氣，容易引人注目。事關早前詹Sir脫離政府資助，成立新公司後，不再像以前般不計較賺蝕，變成每搞一項投資，無論表演或興趣班，都要以賺錢為目標，當然事事要借助天王的名氣，穩陣為上嘛。

本周日（二十三日），劉華出席電影宣傳活動時，被問到名曲遭惡搞，有何感覺？他坦言不介意和沒所謂，只要令人開心便可，但當提及歌詞含有粗鄙字眼時，他表示：「幫我講畀佢（詹Sir）聽我唔介意，其他就唔理，我唔可以話接受，詹瑞文係一個有責任感嘅人，佢會控制得好好。」大家樓上樓下，都係以和為貴最好。

詹Sir與女友人吃飯不足一小時，即匆匆離開，似趕時間回公司再度橋。

接班人上位

據詹Sir所講，自他自組「PIP文化產業」公司以來，只有他一人賺錢養公司，但去年開始，他的兩個入室弟子翟凱泰（泰臣）和楊詩敏（蝦頭），自編自演了《潮性辦公室》，大受歡迎，連王晶都要改編拍成電影，即令公司收入增多，而兩個弟子的知名度更因此飆升，接拍了不少廣告及電影。

早前，詹Sir改編劉華的MV，原來幕後就是由泰臣用了三日時間填詞，而蝦頭就幫口唱和音，基本上是詹Sir幕後的「福祿壽」。而詹Sir在紅館的棟篤笑，亦有一段給兩人獨自發揮的表演，上位指日可待。

泰臣（右）與蝦頭（左）同樣畢業於香港演藝學院，未跟詹Sir前，蝦頭已活躍於舞台劇演出，泰臣則一畢業就加入PIP教小朋友演戲。