曾經因為喺夜店鬧事同人打交而入過冊嘅「作孽」，出冊冇耐，就同「表妹」結婚。講起「表妹」，佢身為有身家之人，可以有好多選擇，但對「作孽」依然不離不棄，一條心等佢出冊，媽咪姐身為女人，都覺得佢好難得，事關咁有情有義嘅女人，依家真係變咗罕有動物。可惜「作孽」根本唔知個「福」字點寫。

其實喺名人圈入面，有邊個唔知「作孽」個花心底 o架，所以好多人根本唔睇好呢段婚姻。但好快佢哋連仔都生埋，於是又有人以為「作孽」浪子回頭、修心養性。點知「作孽」原來真係滾性不改，竟然趁老婆佗住個肚時，繼續去滾。
有某名人爆料，「作孽」依家仲學人金屋藏嬌，呢個「嬌」嘅外形，一睇就知「她來自北方」。某名人又點知呢？原來名人有個親戚咁啱就住喺金屋隔籬，嗰位親戚同名人講，話「作孽」幾乎日日下晝就鬼鬼祟祟咁上去金屋，之後嗰間屋必定傳出拆天咁嘅聲，嘈足幾粒鐘之後，「作孽」就會毛鬆翼鬆咁走頭。唉，既然「作孽」唔惜福，惟有祝「表妹」自求多福囉。


 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄