用家鬧 Baby
用家 Shirley Cheung睇完 Baby微博相，即到「 Mini Nail」做同款金色貼紙，事後深感貨不對辦，即在 facebook鬧爆，有網友表示會幫佢 forward出去。
用家網上投訴
之後 Angelababy還試做美甲，將相片上載微博，落力宣傳。估唔到「 Mini Nail」開幕一星期，署名 Shirley Cheung的用家即在 facebook鬧爆，指自己看完 Baby親試的金色貼紙美甲照後，即到其舖跟住整，「點知我整完出嚟貨不對辦，指甲邊位修又修得唔靚，甲床位撲起晒……大家咪去幫襯。」又說：「我整咗 3個幾鐘，一個客都冇囉！」她更上載出事指甲照片，相中金色貼紙確實甩邊兼起泡。她說之後曾打電話到店舖投訴，店主亦應承幫她免費整過，不過她聲言不會再整貼紙款。
繁忙時間得 3客
上周日（ 23日）下午，本刊記者放蛇踩上「 Mini Nail」美甲。該店佔地約 1千平方呎，地方整齊清潔，共有 4個開放式美甲位和技師。記者選擇了普通美甲加黐閃石服務，全程約 2小時，收$180，收費和市價相若。但當日記者在繁忙時間逗留約 2小時，全程亦只得 3位客人光顧。記者上門光顧前曾致電「 Mini Nail」訂位，接聽員工說：「你可以 book，不過你嚟到都唔使點等。（平日放工呢？）都好鬆動！」可見店舖生意一般。
美甲期間，記者問美甲師曾否替 Baby整甲，她即坦白說：「我喺 Baby以前幫襯開嘅舖頭做，不過冇幫佢整過。之後有人介紹我嚟做，開業兩個星期， Baby都冇嚟過，冇機會幫佢整！」此話與 Baby說自己每個師傅親自試過才會請，明顯有出入。記者美甲後，翌日閃石竟開始脫落，甲油亦甩邊，同店員指可保持一星期大有出入。
本周三（ 26日），記者致電老闆娘 Baby，問她知不知有顧客投訴。她透過助手回覆：「如果有咁嘅情況出現，歡迎大家上舖頭免費維修。」 Baby識得主動提出善後確抵讚，不過改善服務質素才是問題根源，睇怕 Baby要努力喇！
記者放蛇美甲甩石
留言列表
{{ article.title }}
