U形腳
除咗喺保母車拍片，薛凱琪個微博都發現唔少於車內動作多多相，除埋鞋 U形腳影相，開住車都係戴番安全帶好啲！
藝人開微博貼私相又拍片放上 YouTube，希望吸納網友粉絲博關注，可惜班網友唔易服侍，一失手隨時弄巧反拙。
刺．耳．高．叫
好似薛凱琪咁，上週六佢又自拍兩條名為「 New Year Song For You」同「 Morning Singing」，前段片見 Fiona趁住年近歲晚就清唱咗首賀年歌〈歡樂年年〉，但唱到「歡呼聲」之後就自創歌詞：「你要聽我話，唔知咩聲， la la la......Happy New Year......you are happy， I am happy，年年 very happy」問心其實睇落都幾可愛！
本來見好就收冇事，可惜 Fiona意猶未盡，繼續拍第 2條片「 Morning Singing」，無啦啦唱埋聖誕歌〈 Jingle Bells〉， Fiona竟然扯高把聲用湯寶珍高頻音‘ La’晒成首歌，結果短片上載 5日，成功吸引 3萬人睇，可惜惡評如潮，話 Fiona：「 30歲仲以為自己得 3歲！」而高登仔亦以「薛凱琪淫叫」為題曲線恥笑，話要推 Fiona做高登女神，意圖取代謝安琪高登地位。
上週三（ 19日） Fiona出席「 Sina頒獎禮」一聽到記者問佢作狀唱歌，超驚青拒回應，之後就透過助手 May回應：「 Fiona唔覺得有問題，佢只係想將開心同 fans分享。」今次扮 cutie過咗龍，下次學精啲咪得囉！
網上中伏
薛凱琪一心扮可愛，可惜網友唔 buy鬧爆，其實連傅穎同唐貝詩一樣試過喺網上中招，要喺網上宣傳，好易適得其反呀！
傅穎自製新聞
上年 12月傅穎於微博貼咗張家中玻璃窗被打爛嘅相，跟住就自爆疑被人偷拍及留下有料廁紙，但畀網友指佢做新聞。
全站熱搜
留言列表
{{ article.title }}
