外人睇起嚟，富二代「二少」同掛名模特兒「黑旗」真係好似童話故事入面嘅公主與王子，因為「黑旗」一向都係患有嚴重末期嘅「公主病」，偏偏「二少」就奉佢如女神。於是「二少」俾人印象就係有修養、有學識兼感情專一，絕對係瀕臨絕種嘅城中筍盤。但事實上又係唔係咁呢？答案係﹕ No啦﹗

據城中富二代堆中嘅二五爆料，「黑旗」就算幾巴辣，都冇可能食得住「二少」。佢話大家唔好以為「二少」真係咁蠢先得 o架，查實佢不知幾醒目，表面上聽聽話話，忍咗一輪，令到「黑旗」對佢有晒信心，警覺心逐漸鬆懈，佢至開始作反。佢周不時借口應酬、傾生意，撇甩「黑旗」之後，十次中有九次佢真係傾生意，但第十次呢就會同班老死尋開心，得閒出吓海，左擁右抱，都不知幾梳乎。
不過，講起嚟，「二少」又真係叻仔，生意愈做愈好，咁「黑旗」更加信到佢十足十囉。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄