香港嘅紙上女星寧舍多，佢哋即使冇乜實質工作，行出嚟依然可以身光頸靚，「濕熱」就係其中一個。「濕熱」都算人靚身材正，但好多圈中男星對佢都敬而遠之，原來佢份人係「大口」一族，鍾意四圍唱自己同過邊個男星搭上，又鍾意放料俾記者，之前「國王」同「變形男」就俾佢跣到一身蟻。

「濕熱」呢啲惡行搞到男星雞飛狗走，佢惟有向圈外嘅隱形富豪落手。半年前「濕熱」喺夜場搞掂一個其貌不揚嘅國內生意人，識人唔夠兩日就人買名牌手袋。本來買手袋呢啲嘢好平常，不過「濕熱」好鬼狼死，難得發市，就想攞着數攞到盡。你估佢點呢？原來佢竟然打電話叫埋阿媽即時落名店齊齊揀。最離譜係佢阿媽完全唔介意自己個女賣肉，喺名店入面仲對住班店員態度囂張，慌死人唔知佢係奀星阿媽。「濕熱」都算犀利，係咁意喺名店行咗半個鐘，就買咗廿幾萬嘢。難為嗰位國產阿叔，俾埋錢買埋嘢益伯母。不過，人哋國產阿叔見你咁狼死，又點會蠢到俾你當水魚咁㩒，由本來想玩長包，立即變為短聚，到頭來只係幾日貨仔嘅「感情」。之後「濕熱」想食過番尋味，人哋連電話都唔聽啦！嗱，呢啲咪係目光短淺，因小失大囉！

 


 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄