每天返到屋企，三隻小狗(左起)Quirky、比卡超和 Tengo便會黐住 Cindy，各自爭寵。而在籠中的金剛鸚鵡是仔仔，已養了七年，由於發起惡唔係人咁品，所以經常被罰「坐監」。
星悅居
愛心禽獸屋 李思雅
都市人忙碌完一天，總希望回到安樂窩，遠離繁囂。熱愛運動的李思雅(Cindy)，就選擇與家人同住元朗錦繡花園，不過家中依然熱鬧非常。
熱鬧，只因她在家中養了兩隻鸚鵡、五隻狗，父母加自己及傭人，唔嘈就怪。「媽咪本身好鍾意養小動物，我同家姐由細到大俾佢薰陶，所以細個到依家都養過唔少動物。」一屋動物再加全屋上下過百隻毛公仔， 26歲李思雅，愛心童真滿瀉！
愛心禽獸屋
金剛鸚鵡仔仔曾經試過咬人，現時只有 Cindy媽咪敢與牠親吻。 Cindy媽說：「唔使驚㗎，當佢小朋友咁呵下、錫下就得啦！」唔……伯母都係唔使客氣啦！
有陌生人入侵呀！
另一隻鸚鵡 Honey，品種為白葵，幾個月大便來到 Cindy家中，今年剛滿 4歲。 Cindy說：「佢好乖、好純，佢依家個冠撐開咗，比平時仲靚，但就表示佢呢一刻好驚囉！」
今年 26歲的 Cindy，雖然大個女，睡房卻滿布公仔，牀單和窗簾都鍾意花喱碌款式。「我細個鍾意比卡超，依家就鍾意叮噹，係超級叮噹迷。」
叮噹南瓜車，是海洋公園×哈囉喂特別版，「呢個用咗好多錢玩遊戲，先擲到返嚟！」
專人訂做的玻璃櫃是為存放過百隻叮噹擺設而設， Cindy表示因為家中有狗所以不能養貓，惟有狂儲叮噹呢隻機械貓。
長期住在屋外花園的另外兩隻寶貝，左邊松鼠叫 Toby，右邊史納沙叫叮噹，雖然從不入屋，但仍很受 Cindy寵愛。「因為佢哋响舊屋跟過來，所以唔習慣新環境，請都唔入屋。」
Cindy把叮噹和大雄等逐件細心掛在睡房吊燈上，令本來普通的燈飾多添了一份稚氣。
購自日本大阪的玩具手信。先入錢，然後自行揀公仔，再把自己相片安在公仔頭上。不消十分鐘， Cindy就化身靜香了。
「歡迎」交響樂
Cindy由於曾代表香港參加國際網球比賽，因此 05年參選港姐後，無綫便安排她連續兩屆擔任奧運主持。
錦繡花園去得多，有齊禽獸科動物的家還是第一次。第一秒踏進李思雅的獨立屋，穿過大閘到車房，屋外兩隻小狗已向記者狂吠，宣示主權。甫進屋內，雀鳥聲和狗吠聲此起彼落，只見一個足足有六呎高的大鐵籠，放在大廳當眼處，記者恍如置身在迷你動物園。
當兩隻鸚鵡知道陌生人是主人的朋友，便乖乖停止叫聲，眼仔睩睩留意眾人一舉一動，十分八卦！李思雅說：「佢哋怕陌生人，先會嗌得咁勁，平時好靜㗎！不過兩隻鸚鵡就惡啲，我試過俾大嗰隻咬過，依家係媽咪先治到佢哋咋！」 
元朗錦繡花園空氣清新怡人，每戶均有兩個車位。 Cindy家擁有兩部車，爸爸駕房車，自己則駕型仔開篷 Mini。
除了酷愛叮噹， Cindy全屋都擺滿不少卡通毛公仔，就連樓梯都有，咁行上行落都見到可愛公仔啦！
小型高球場
昔日是港隊網球女將、贏過多個大獎的李思雅，自 07年瘋狂迷上高爾夫球後，隨即在家騰出空間設置小型高球賽道，真係唔講得笑。
李思雅所住的三層獨立屋，自從早年家姐結婚搬出後，二樓全層 700呎便全是她的小天地。除了將家姐房間，變身衣帽間外，更有一個專供她打室內高球的私家房。在房中，放置用來練習推桿的長地氈，側邊更放滿近百支高球球桿，儼如小型高球場。「有時落雨出唔到去或臨瞓前，我都鍾意喺屋企自己練習下，唔好令自己生疏。」
由打網球到半途出家轉打高球的李思雅，是近年業餘高球好手，在各大比賽中獲獎無數，運動細胞如此發達，只因她出身自運動世家，媽媽陳艷蘭及姨媽曾是香港保齡球代表，至於爸爸及家姐也是網球好手。
Cindy近年瘋狂迷上高球，二樓全層是她的高球小天地。平日她在家練習推桿，父母和傭人都不敢打擾她。
知唔知呢樣係乜？愛狗如命的 Cindy，專程從美國訂購狗狗造型的四呎高高球球桿套，盛惠二千港元。「講真算平啦，千金難買心頭好嘛！」
天份加實力，染指高球只有五年的 Cindy，幾乎打親都贏。「可能我對啲好專心嘅運動特別有興趣，如果要開工打唔到波，我會周身唔舒服。」
Cindy經常離港參與高球公開比賽，並屢獲殊榮，看她英姿，有姿勢有實際。
Cindy在網球界都經常獲獎，要數最珍貴的冠軍獎項，是這個「全國新聞界網球邀請賽」，她說：「嗰次要鬥全國嘅勁人，呢個獎打得好吃力。」
當年只得 12歲的 Cindy，已初嘗網球公開賽亞軍滋味。亦因為此獎的鼓勵，她更放棄赴澳洲升學而轉為全職運動員，不時為港出征。
由於獎項太多，她將獎盃放滿了客廳兩個大櫃，有些更因空間不足而要放在儲物箱中。
留言列表
{{ article.title }}
