眼藥水催淚
「拍嘢時間長，雙眼會好攰，眼藥水可以補濕雙眼，拍喊戲可以滴眼藥水。而平時會用 hand cream搽手腳，可以令 skin上鏡時更有光澤。」
小特搜
美麗法寶
女藝人頻頻出鏡，要 sharp醒過人，點少得化妝品，女藝人總有一個精簡輕便 嘅化妝袋傍身。好似香香公主岑麗香、江若琳同何傲兒，三個化妝袋都有唔同 嘅美麗法寶。姊妹們，學 嘢喇!
岑麗香帶糖傍身
「我比較慳，對化妝袋要求唔係好高，呢個紅色玫瑰花圖案 嘅都係朋友送俾我，實際啲囉！除 咗化妝品，我仲會帶定一兩粒救命糖，補妝之餘亦補下血糖！」
Bobbi Brown唇彩
「因為我好鍾意食 嘢，所以化妝袋一定要有唇彩，我一日要補好多次色，我最鍾意係粉紅色。」不過唇彩蓋上面有唔少污漬，香香公主真係要注意下喇!
Make Up Forever眼線液
「我鍾意自然啲嘅眼妝，所以眼影化一次就好少會補，最多只會用眼線液補少少眼線， sharp啲。」
防油粉底
「粉底一定要有，經常補下可以令塊面冇咁油光，又可以當鏡用。」
江若琳護唇三寶
「化妝袋除 咗有粉盒、眼影，最緊要就係護唇產品。我習慣搽唇膏前，用 Kielh's潤唇膏打底，夠滋潤。試過喺北京，個嘴乾到爛、流晒血，都係靠佢。跟住就係唇膏，最 top再加 lip gloss，等個嘴 juice啲。」
Ipsa遮瑕膏
「有時甩粉、遮暗瘡都要用 Concealer。就算唔化妝，遮咗黑眼圈已經爭好遠。我仲好有心機鑲咗我英文名 Elanne個 E字上去㖭。」
Dior唇膏
「我會準備兩支唔同色唇膏，一支較粉紅(左)、一支較 cool（中），方便襯衫用。」
Sparitual指甲油
「我好論盡，有時出 咗去先知冇搽指甲油，又或者粗魯整花咗，可以即時補救。」
何傲兒留名防遺失
「我好大頭蝦，拍劇成日唔見 嘢！有啲化妝品用一次就唔見，所以我每件都會黐個名，就算喺錄影廠唔見咗，其他人見到都識俾番我，身邊朋友話我好似小學生。」
何傲兒喺遮瑕膏盒右上角貼咗有自己名嘅 label。
自製遮瑕膏
「呢盒遮瑕膏夾雜 咗好多個牌子，我見唔同色就放落去，仲有無綫化妝間師傅幫我溝咗啲色，方便用喺唔同位置。」
Victoria's Secret唇彩、香水
「好多唇彩睇落有色搽就冇色，我揀呢隻就好上色，視覺上會精神好多！噴香水係禮貌，所以要跟身。」
Crabtree& Evelyn潤手霜
「出活動好多時都要同人握手，每次洗手之後都要搽番！」 
留言列表
{{ article.title }}
