單睇今年《Assassin's Creed Brotherhood》喺E3遊戲展會場外佔咗最大嘅宣傳廣告板位，就估到Ubisoft對它嘅重視程度。展覽會上除可玩到收o靚嘅單人模式外，仲可以畀大家玩埋新加入嘅多人模式，各自揀啱角色上網互片！
今集故事延續自去年嘅《Assassin's Creed 2》，繼續以文藝復興時期嘅意大利為背景，但主角Ezio一開始就已經成為刺客大師，仲可以收o靚玩育成。 由於今集主角嘅特點係可以收o靚，所以單人模式最唔同之處係唔使下下自己出手，可以派Job畀徒弟鍛煉佢哋嘅刺殺技巧外，自己行動時亦可以隨時叫埋佢哋出嚟幫手搞掂啲嘍囉！喺遊戲嘅示範畫面內，仲見到主角可以在近距離肉搏戰中，搶奪對方武器之餘，並同時使出飛刀；被敵人包圍時又可以用大炮還擊，炸到敵人落花流水，感覺新鮮又刺激。 今集另一焦點係新增嘅多人模式，Ubisoft展區入面就擺咗十幾廿部機畀參觀者排隊試玩。現場試玩版本就提供6人互相廝殺模式，而可揀選的角色就有醫生、娼妓、丑角等多種職業，全都係業餘刺客，不過每個玩家都要揀選不同角色；玩法方面就同原來遊戲差唔多，可以跳上屋頂兼靈活走位刺殺其他玩家，在限定時間鬥殺得人多，感覺都幾爽，值得期待！ 平台：Xbox 360、PS3、Wii／推出日期：今年內 E3發布會壓軸時，突然響起MJ名曲《Beat It》同走出一大班Dancer出來跳舞，原來係宣傳將會推出《Michael Jackson The Game》；不過暫時所得資料唔多，只知會收錄《Beat It》同《Billie Jean》，仲要又唱又跳！ 平台：Xbox 360、PS3／推出日期：今年秋季 漫畫風格嘅賽車遊戲新作，遊戲舞台自然係三藩市；現場還提供多人模式試玩版，可以體驗在金門橋上鍊車嘅快感。 平台：Kinect for Xbox 360／推出日期：11月 Ubisoft除咗會推出《Your Shape：Fitness Evolved》呢款對應Kinect嘅遊戲外，展區內更擺放咗呢一款Kinect運動遊戲《Motion Sports》畀大家試玩，當中最受歡迎要算係圖中所見嘅滑雪落山賽。 平台：Kinect for Xbox 360／推出日期：明年春季 未等主持人介紹，著名遊戲製作人水口哲也已經走上台親身示範對應Kinect嘅《Child of Eden》，只見遊戲畫面花碌碌，原來係要阻止病毒入侵伊甸園，呢種咁「特別」嘅Free Style玩法，真係只此一家。 平台：Xbox 360、PS3／推出日期：今年秋季 Ubisoft今年另一大作係《Ghost Recon Future Soldier》，雖然只能睇住工作人員示範，未能親身一試，不過現場「試睇」呢款第一人身射擊遊戲嘅視覺效果都好震撼刺激，抵讚。 平台：Xbox 360、PS3／推出日期：今年秋季 玩家在續集中已經成為飛行精英，駕駛最精銳嘅戰機出戰。《H.A.W.X. 2》在現場都有提供試玩，比較特別係可以用夜視模式在深夜出擊，至少《Ace Combat》未有新作推出前都能滿足到一眾空戰迷。 查詢：http://www.ubisoft.com/
Ubisoft揀選了位於Downtown內嘅Los Angeles Theater舉行發布會。
遊戲檔案《Assassin's Creed Brotherhood》
類型：動作
開發：Ubisoft
平台：Xbox 360、PS3
推出日期：今年秋季
單人模式示範中仲可以發射大炮攻擊圍城的敵人。
收o靚分Job即行動
多人模式可扮演唔同角色穿越大街小巷刺殺其他玩家。
玩家唔使下下硬碰，有需要時可以召喚徒弟出嚟幫手。
MJ番生《Michael Jackson The Game》
限時鬥殺得人多
其他新作速報
MJ番生《Michael Jackson The Game》
金門橋鍊車《Driver San Francisco》
體感滑雪《Motion Sports》
Free Style玩法《Child of Eden》
刺激震撼《Tom Clancy Ghost Recon Future Soldier》'
夜視作戰《H.A.W.X. 2》
留言列表
{{ article.title }}
