殼王新歡舊愛拍劇唔妥徐子珊明扮老友暗恰郭羨妮

去年忽然富貴的徐子珊，與郭羨妮（ Sonija）先後跟殼王陳國強扯上關係。昨日殼王傳聞中的新歡舊愛一同為新劇《情越雙白線》宣傳，雖然二人表面上搭膊攬腰，但據悉兩女私下其實零交流。而去年子珊拍攝《情》劇時更在 Sonija面前扮大牌兼玩單打，令 Sonija極不開心。

其他娛樂名人影片

出身將軍澳居屋的徐子珊，去年被傳與殼王陳國強扯上關係而忽然富貴，除搬離海怡半島，以月租 3萬遷入南區豪宅貝沙灣區居住外，子珊還自聘私人助手，又被指到名店一擲 10萬買衫，徹底升呢做上等人。據悉，子珊去年與殼王舊愛郭羨妮拍新劇《情越雙白線》時，二人工作以外完全零交流冇偈傾，而自恃有大水喉射住的子珊，更經常扮大牌向 Sonija單單打打，工作人員看在眼裏也替 Sonija不值。

是非多變鵪鶉 放大圖片

徐子珊（中）和郭羨妮等合照期間各自沉思，未見有任何交流。

不過，由於 Sonija本身已是非纏身，為免事情鬧大， Sonija於是一直保持緘默和低調，未有向子珊還擊，但拍攝期間卻拍得極不開心。對於不和傳聞， Sonija昨日透過經理人梁先生回應說：「冇啲咁嘅事，冇嘢好回應。」至於子珊也透過經理人 Atom回覆說：「冇呢啲事，大家相處融洽，唔好搞咁多事啦。」

搭膊扮 Friend 放大圖片

殼王陳國強經常與女藝員名字扯上關係。資料圖片

儘管私下冇偈傾， Sonija和徐子珊昨日到馬鞍山出席《情》劇宣傳活動時，卻扮晒老友，二人咬耳仔講笑又搭膊攬腰合照，認真好戲。問 Sonija現時是否 dry爆時，她說：「空白！我冇乜想點、我家已經唔急 o架喇。」至於子珊也直言感情生活跟 Sonija一樣空白：「冇都冇辦法，只可以寄情工作，希望收視好就會有着落喇，收視好即係人緣好，代表會有桃花。」採訪：王崇穎　攝影：黃文成


殼王的新歡舊愛徐子珊（右）和郭羨妮，昨日出席活動時搭膊攬腰合照，扮晒老友。

徐子珊出頭保護郭羨妮

郭羨妮、徐子珊昨日出席劇集《情越雙白線》宣傳活動，期間她們為的士作啟程儀式，子珊上車時「中頭獎」，撞到倒後鏡，事後她說：「郭羨妮着裙唔方便坐中間，不過冇所謂，好意頭呀！」

徐子珊（右）與郭羨妮現時感情未有着落，只好寄情工作。

提到子珊與郭羨妮現時都感情空白，郭羨妮坦言：「冇乜點呀！咁可以點啫。（心唔心急？）已經唔會急。」子珊則說：「係呀！我哋都寄情工作，冇辦法，希望收視好有着落。（收視唔好就冇男友？）有收視即係有觀眾緣，咁即係有桃花啦！不過今次對收視都有信心。（撞世界盃喎！）OK嘅，希望觀眾分番啲時間畀我哋，睇完我哋頭半截一定會追睇埋下半嘅！」