唔想再提呢個人！（真實對白）
第三者 o靚模 DaDa︰當日與關楚耀玩地下情的 DaDa，以為等對方跟衛詩分手後，男的會專心一意對她，豈料原來同時還有第四第五者，自感被玩的 DaDa惟有忍痛與關斬纜。上周二（ 15日），她更向本刊直認被關玩弄感情。
娛樂頂點
踢關楚耀一腳踏四船 DaDa認被人玩
2010年06月25日
早前 o靚模 A.Lin（裴殷）慘遭曾志偉兒子曾國祥一腳踏三船騙情，引致情緒抑鬱要睇心理醫生，當時其好姊妹 DaDa代 A.Lin出頭，在微博鬧爆花心賤男：「玩弄感情的人無資格談情說愛，……是玩家就不要裝作情聖。」
DaDa鬧得比當事人更咬牙切齒，全因與好姊妹同病相憐，更比 A.Lin早一步「中招」。原來去年 9月，她跟曾在日本涉藏毒的關楚耀（ Kelvin）暗暗撻着，其後才發現關楚耀當時一腳踏四船，除了正印女友衛詩外，更與台灣 Mika及一時裝店 Sales拍拖， DaDa在飽受情傷下決心斬纜，結束三個月戀情。上周二（ 15日） DaDa重提賤男，除直認被關楚耀玩弄感情外，更不屑說：「我唔鍾意同人 share男友！」
互動片段
去年 2月，阿倫契仔關楚耀與女友衛詩在日本涉嫌藏毒被捕，變成毒鴛鴦。經歷一場大教訓，男的返港後表面上閉關思過，但查實半年後已忍不住夜蒲溝女，思過變思春！去年 9月，跟衛詩未完全斬纜的關楚耀，在中環 Volar出席朋友派對時識了 o靚模 DaDa，關即時埋身喪溝，二人即晚撻着。知情者說：「關楚耀一見 DaDa已經喪撩佢傾偈，之後佢兩個一齊跳辣身舞，飲大幾杯仲當眾打車輪，之後佢哋成日拖住見朋友。」
我識佢囉！（真實對白）
本周三（ 23日），被踢爆玩五角戀的關楚耀，只一味擠出牽強笑容但唔識點答，最後要經理人解圍拉走他。
寄情事業出寫真
DaDa與好姊妹 A.Lin同感情騙子，兩個惟有化失戀為力量，今年一齊拍攝性感寫真銀。圖為穿三點式拍攝的 DaDa。
正印毒后
去年初衛詩與關楚耀因在日本涉藏毒，大好事業被毀，兩人返港後雖然不常見面，但並未分手。直至去年 10月男的被爆搭上台灣辣妹 Mika，衛詩才決心與關楚耀斬纜。《蘋果日報》圖片
第四者台灣豪放女
去年 10月，關楚耀撇下 DaDa同衛詩，飛去台灣密會前黑澀會美眉成員王義廷（ Mika），共度四天偷食時光。事後女方把多張與他在酒店房影的親密照放上網，令戀情曝光。
第五者時裝 sales
死性不改的關楚耀除了 DaDa、衛詩、 Mika外，原來還同時搭上一名年僅廿歲，在中環任職 sales的圈外女子。
死性不改
因毒品賠了事業的關楚耀，原打算潛水洗底，卻鬧出與台灣 o靚模緋聞。蒲性難改的他，今年夜蒲攬女相繼續被公開。
醉攬翻版薛凱琪
今年 1月，關楚耀被踢與 28歲、拍過電影《無間道 3》的 o靚模吳慧冰，在夜店頭貼頭影親密照。
約舊愛師妹夜蒲
本月初，關楚耀又與新 8模成員 Jeana（左）夜蒲，愛蒲的他真係換女換得快。
吸仔力強
DaDa與 21歲的港男羅天宇（左圖），去年 7月因合作電視電影《南華夢飛翔》而撻着，二人更被發現在元朗一間餐廳撐枱腳。不過一個月後， DaDa火速換畫，與《南》另一男主角何浩文（右圖）十指緊扣，溝仔確有一手。
《 FACE》圖片
《 FACE》圖片
拍拖一月見家長
老竇無奈回應
關楚耀父親關維麟，在電話中得知兒子一腳踏幾船後，即無奈說：「佢嘅感情生活我管唔到。（佢帶過其中女友 DaDa見你？）邊個 DaDa？唔記得有無見過喎！總之佢知道依家事業為重，其他嘢我管唔到咁多。」《壹週刊》圖片
關楚耀跟曾國祥一樣，為了隱瞞一腳踏幾船，減低女方疑心，均出動帶女見家長一招。知情者說：「其實當時 Kelvin同衛詩未甩晒拖，只係契爺阿倫及唱片公司施壓，唔准 Kelvin再見衛詩，否則唔使旨意復工。 Kelvin怕無運行，所以一直只同衛詩傾電話，佢成日同衛詩講好掛住佢。但另一方面， Kelvin同 DaDa講，佢同衛詩就快甩，所以 DaDa先唔介意做短暫第三者。兩個拍拖一個月， Kelvin就帶 DaDa同阿爸阿媽見面食飯， DaDa仲以為 Kelvin對佢好認真！」
雖火速見家長，但關楚耀堅持約會要夜晚，拍拖場地亦清一色在私竇夜場或朋友屋企，永遠不見天日。起初 DaDa不以為然，以為男友怕被狗仔隊影相才拍得顧忌，直至去年 10月，台灣辣妹 Mika王義廷將二人「床照」及啜面照放上網，才令 DaDa醒覺男友是情場散戶。
向來痛錫關楚耀的契爺阿倫，曾公開訓示契仔在涉藏毒後要生性做人，免再闖禍。但他卻當契爺說話耳邊風。《蘋果日報》圖片
知情人士說：「 10月頭 Kelvin同 DaDa講去台灣傾唱片嘅嘢， DaDa以為環球幫 Kelvin喺台灣發展，所以無為意。直至 10月中報紙踢爆 Kelvin搭上 Mika， DaDa先醒覺。不過經 Kelvin幾，話嗰次純粹玩吓，唔會有下次， DaDa咪心軟繼續同佢一齊。不過 DaDa自此對 Kelvin起疑心，經常 check佢手機，又託朋友查佢行蹤，結果發現 Kelvin除咗有衛詩同 Mika外，之後仲溝掂一個中環時裝店做 sales嘅女仔。 DaDa嗰刻簡直晴天霹靂，即使好傷心，依然即刻同 Kelvin攤牌主動提分手。 DaDa同佢攤牌時， Kelvin對唔住都冇句，只係話『反正我哋性格唔啱，分手都係時侯。』一啲悔意都冇，令 DaDa好激氣。」
關楚耀：我識佢囉
上周三（ 16日），復工出碟的關楚耀頻頻出席公開活動，之後發現狗仔隊跟蹤，即走入琴行買結他線，企圖製造專注事業的正面形象。
上周二（ 15日）， DaDa被記者問及與關楚耀拍拖一事，她想了兩秒才直認：「係一齊過！（聽講佢帶你見家長？）佢成日都帶啲女仔見家長 o架啦。」記者指她發現男方一腳踏幾船，她除直認外，還寸前度男友：「可能佢未定性啦，但我就唔鍾意同人 share男友！（有冇再聯絡？）冇，我唔想再提呢個人！」
本周三（ 23日），記者找關楚耀回應，他一聽到「前度」 DaDa個名，已經不知所措，對記者關於他一腳踏四船的提問，更加呆若木雞。此時身旁的保母即刻將他拉走，並說：「邊個 DaDa呀？咁多個 DaDa！唔係關於工作唔會答。」記者繼續追問關楚耀，避無可避的他才勉強拋下一句：「我識佢囉！」說罷即被保母拉入後台。至於舊愛衛詩，她透過 Rapper朋友 K-Chek回覆記者，稱不想回應。
曾志偉同譚詠麟情同手足，估唔到佢哋嘅親生仔同契仔都一樣咁啱 key，男女關係七國咁亂。
同病相憐
同為周秀娜師妹的 DaDa（右）及 A.Lin（左），可謂同病相憐。 DaDa俾關楚耀玩弄感情， A.Lin同樣被曾國祥瞞住偷嗒另一 o靚模好友 Ivy蔡瑩瑩。 A.Lin失戀當日得 DaDa支持同安慰，故今日 DaDa被揭遭關楚耀玩， A.Lin一樣撐：「我同 DaDa從今起都要帶眼識人，日後識男仔，我哋都話要互相幫吓眼。」
曾國祥
蔡瑩瑩
留言列表
{{ article.title }}
