簡寶瓊
專業教育學院旅遊及會議展覽高級文憑 Yr.2
雖然我音樂知識比其他 3位成員算淺，不過為咗有機會畀人認識及演出，我將僅餘認識的結他技術及歌藝同大家分享。
Main Camp
《一分鐘》 IVE妹發星夢：除露點咩都做！
重金搵李克勤回無綫主持的遊戲節目《決戰一分鐘》，獎金雖少，卻令多位參加者彈起，繼恒管女神梁嘉琬（ Whitney）後，最近穿白色熱褲的簡寶瓊（ King），再次俘虜高登男。
被高登仔封做「翻版高海寧」的 King，例牌要被起底，連環揭發她參選中國小姐奪季軍、甚至在三級片《一路向西》飾演夜店金魚缸小姐，實在現仍於香港專業教育學院（ IVE）讀書的 King，除組街頭樂隊，接 job亦奉行大小通殺博機會，全因一心入娛圈，「做娛樂圈十足小姐接客一樣，最緊要聽話，個客要咩就畀咩，咁先多嘢撈！」
King在音樂騷認識現時 Neighbros各成員，難得他們都是一群想入行的年青人，所以一夾即合，雖然他們現時並未成功圓入娛圈夢，不過每星期 4人都會在街頭表演，希望有伯樂賞識。
姜逸
香港專業教育學院資訊科技高級文憑 Yr.2
其實好多 Beatbox人都唔識樂理，但為可以同多啲人夾到，我特登趁放學去學樂理，雖然好攰，但都值得。
羅啟聰（ Kris）
香港知專設計學院數碼音樂及媒體高級文憑 Yr.2
我試過去 studio同唱片公司做打雜，貼錢打工，但可以識到好多音樂人，呢樣嘢比錢更緊要！
黄健強
全職音樂導師
我曾經寄過過百首 demo出去都石沉大海，又試過幫人出騷但收唔到錢，為夢想會繼續咬緊牙關繼續衝。
熱褲跑出
TVB錄影廠冷氣出名凍，但 King仍以熱褲上陣：「 TVB叫我哋着靚啲，咁當然要特顯自己嘅長處啦！」
為增加曝光機會，本刊約 King及其街頭樂隊 Neighbros做訪問，她一口答應之餘，更連隨追問：「你哋係咪有個靚女專訪欄目〈 U花 U草〉，可唔可以留兩版畀我！」態度超主動，絕對少見。
做娛樂圈似接客
自《一分鐘》播出後， King被高登仔起底及成功上報，短短一星期已有不少 model工作與她接洽，「第一步策略算成功，其實我同樂隊成員都想透過不同方法識人，低至 PA、高至音樂監製，我都會主動介紹自己，呢行人脈好緊要！」
除了人脈， 19歲的 King做了兩年 model，知道要多 job一定要聽話，「做娛樂圈十足小姐接客一樣，最緊要聽話，個客要咩就畀咩，咁先多嘢撈，我身邊好多 model朋友，都因為揀 job，最後被人雪藏，呢行咁大競爭，所以為咗有得做，𠵱家除咗露三點外，基本上乜都肯做，不過如果將來有好好劇本，我唔介意條底線再 set低啲！」
King心口掛勇字入行搏盡，還是學生的她，就選擇性接收評語，「入呢行係我夢想，但我都畀條後路自己，繼續讀書，其實我知好多高登仔踩我，話我老積又唔靚，不過我會當唔知，就算紅到似楊怡都有人批評你啦！所以我會自動熄機當睇唔到聽唔到，最緊要我知自己做緊咩！」問到父母有否介意， King則淡淡的說：「佢哋成日返大陸做嘢，間中先返香港，佢哋只係知道我做 model，我甚少畀佢哋知我工作有幾性感，就算男友反對，我都唔會放棄夢想！」
《向西》做妓
《一路向西》中 King飾演夜店小姐，只屬過鏡，不過她沒放鬆，狂睇電影參考，「雖然係大配角，但我狂煲相關短片，到演出時更諗住自己係真正小姐，希望更像真！」
選美博出名
King上年參加中國小姐選舉，更奪得季軍：「模特兒的 portfolio好緊要，有頭銜就更易接 job，我選美之後都多咗好多 job，都以中國小姐做賣點！」
即揀器材
《一分鐘》的 5萬元獎金仍未落袋，但他們已急不及待去琴行睇心頭 keyboard及擴音器，主音 Kris（今屆 FACE UStar校草五強）說：「之前我哋要四周問朋友借 keyboard，現在終於可以有自己樂器，可以隨時練習同表演，好開心！」
買 1萬蚊琴
Kris話：「 Keyboard對街頭表演好緊要，難得有獎金，我哋打算用大約 1萬元買較好質素的，所以我哋唔會慳。」
揀淘寶貨慳錢
記者見他們不斷在琴行揀樂器，其間看中兩款擴音器，但最終仍沒有扑鎚購買， Kris說：「淘寶會平得多，所以都係慳啲，𠵱家睇吓算喇！」
借場創作
Neighbros還在起步階段，資源有限，全靠 Kris老師，著名音樂監製方樹樑願提供場地，令他們可專心創作。
陳奐仁大讚
陳奐仁聽過 Neighbros重新編曲的〈 Last Christmas〉都大讚他們有潛質。
佢哋編曲唔錯，新鮮又有膽識，有啲似我初出道嘅編曲，如果演奏同演唱基本功再紮實會更完美！
中大女作小學雞歌多人 like
〈蘇菲亞的波霸珍珠奶茶〉歌詞節錄
有一日 我想飲波霸珍珠奶茶
點知個哥哥話：「小姐冇珍珠啊！」
嗰一刻我心諗：唓！不過冇珍珠之嘛！
咁你係畀波霸我都冇所謂啦！
我要波波波波波波波波波波波霸
就算你冇你冇你冇你冇珍珠奶茶
Main Camp： Main Campus簡稱，意即主校園，各大專潮人潮事當然離不開 Main Campus。 
留言列表
{{ article.title }}
