上週二，杜汶澤係第三位嘉賓上台講 talk，佢開頭已經話之前嘅嘉賓講得好好，所以自己只係補充，卒之其他人講足起碼 15分鐘，佢就只係講咗 8分鐘就落台。
FBI
杜汶澤浸大講 8分鐘 hea talk
《低俗喜劇》借杜汶澤去大學 talk講監製辛酸串起成套戲，上週二（ 29日）戲夢成真，阿澤真係俾浸會大學邀請，同導演邱禮濤、莊文強，以及英皇娛樂行政總裁吳雨一齊講 talk， FBI亦有去霸定位學嘢。
當日其他導演如邱禮濤、莊文強，以及英皇高層吳雨都有出席，而杜汶澤鍾意搞爛 gag，令到在場學生笑唔停。
當日個主題係有關電影嘅「飛躍夢工場」，起初 FBI以為杜汶澤真係好似《低俗》上身咁吹得，塞大把錢袋落班學生袋，點知佢話由於自己忙緊拍戲唔夠瞓，希望大家原諒，「我講幾分鐘啦……搞電影最緊要有錢，如果你老豆有錢就恭喜你，可惜大部分都冇。」講咗等如冇講，嗰日其他嘉賓就講足 15分鐘，但杜汶澤吹咗 8分鐘即收口，唔話佢 hea都唔得。
當日同場嘅吳雨就講足 20分鐘，而且仲好有 point，例如以近期熱爆嘅《一代宗師》做引子，教大家拍電影就如打工夫嘅「摸、打、捉」等口訣，「摸」即是摸定自己條路、「打」即打造自己、「捉」即捉緊時機。班學生當然聽到入晒神，講嘢有晒準備同組織，班學生先學到嘢嘛！ 
全站熱搜
留言列表
{{ article.title }}
