片場惡晒
鏡頭要 zoom埋嚟！真實對白
甄子丹只擔任動作導演，卻連文戲都諸多意見，連拍過《暗戰 2》、《報應》等大片導演羅永昌（小圖）都要聽佢支笛。
真面目
指揮大局 教導演拍戲 甄子丹：要拍得我有氣勢啲
由宇宙最強甄子丹 孭飛的 1億大製作《 3D冰封俠》近日加緊拍攝，上週三（ 30日）晚更在尖沙咀拍攝一場動員過百臨記的萬聖節 party戲。
老臨人多勢眾，一向意見多多的丹爺自然要展現霸氣，本來一場食麵戲，導演羅永昌已收貨，點知丹爺嫌導演拍得自己唔夠氣勢：「個鏡頭 喺呢句對白之後 zoom到最埋先得㗎，要拍得我有氣勢 啲！」丹爺導演上身惡晒，最後當然要成場戲由頭拍過。
將拍第 3部《葉問》的甄子丹，近日走勻港九拍攝新戲《 3D冰封俠》。這部由杜 sir頭馬羅永昌執導的大製作，聲稱要耗資成 1億，又由身兼動作導演的丹爺孭重飛，宇宙最強當然唔衰得。
指手劃腳
丹爺邊講邊手舞足蹈教羅永昌鏡頭點用，羅導則企喺旁邊聽指導。
再次埋位，記者發現在拍攝畫面中的丹爺，仍不時指手劃腳，叫鏡頭拉近啲。
收貨讚 Good
跟足自己意思拍，丹爺終於收貨。
唔肯收貨
因為用到荷里活特技大師，甄子丹事前要坐定造頭形倒模，方便後期製成 CG替身。
上週三（ 30日）下午《冰封俠》大隊拍完銅鑼灣戲分，攝製隊晚上移師到尖沙咀封路拍攝。講述本為明朝錦衣衞的丹爺來到現代香港，身披 着黑甲的他踩入萬聖節派對，遇到假扮的牛頭馬面，以為自己落 咗地獄。現場街道被布置成萬聖節派對現場，過百名臨記扮鬼扮馬跳舞。
場戲講甄子丹被冰封 400年後餓到狂食麵，食食吓見到假扮馬面的遊人坐在旁邊，以為牛頭馬面要帶他見閻王而大鬧萬聖節。拍了近一小時導演羅永昌滿意嗌 cut，點知場務熄燈收 枱準備下一場戲時，出名多意見而被喻為「甄監製」的丹爺又再口水多多，更主動拉羅導演埋一邊指手劃腳一輪，之後高聲說：「我咪有句話：『你 哋想帶我見閻王？』，個鏡頭 喺呢句對白之後 zoom埋 嚟，咁樣（邊用手模擬鏡頭運作）要拍得我有氣勢 啲！」
聽足吩咐
去年 11月，蕭定一（左）、蕭若元（右）約埋甄子丹到銅鑼灣傾《冰封俠》（原名《急凍奇俠》），點知事隔 2個月，蕭定一被迫撤資冇得玩。《蘋果日報》圖片
身兼動作導演的丹爺繼續不斷畀意見，反而主導演羅永昌則似乎習慣了聽丹爺指揮冇聲出，只點頭沒有異議，等丹爺講完後即吩咐戲組人員 set燈重拍。了解丹爺要威心意後，羅永昌今次明顯快手好多。一句講晒，總之丹爺永遠都係宇宙最強囉！
老豆惹火
《冰封俠》蕭定一出局
《 3D冰封俠》是翻拍 24年前蕭若元的經典電影，由元彪主演的《急凍奇俠》，製作費逾 1億人民幣（約 1.24億港元）。
本來蕭定一有份投資 3成，約 3千萬人民幣，但早前有指因老豆蕭若元成日在香港人網鬧中共，中宣部於是指示廣電總局，但凡兩人有份投資的電影，攞合拍批文都要特別關注，結果投資 7成製作費的中盟世紀向蕭定一提出兩個方案，一係他全面退出，一係全面停拍，使 咗 嘅 2千萬就報銷，阿一為大局 着想決定退出。蕭定一上週五（ 1日）回應時話：「我撤出 咗 啫，成個 crew冇變 嘅，不過劇本就有好大改動，應該會更迎合內地市場囉，其他 嘢我冇理，『後母』點對佢，冇了解過！」
甄子丹復工即馬不停蹄，《冰》片上月 25日在銅鑼灣趕拍時，丹爺不忘用電話同老婆匯報。
女角冇變
蕭定一敗走後，原定班底冇變動，依然由 黄聖依任女主角，早前亦已埋位開工，下月輪到另一女角周秀娜埋位。《蘋果日報》圖片
《葉問 3D》戰偉仔
籌備 17年，梁朝偉拍了 4年的《一代宗師》上映 3週香港票房近 2千萬，內地更突破 2.5億（約 3億港元）。葉問有市場，甄子丹 7月亦將拍《葉問 3D》，而黃秋生主演的《葉問終極一戰》就 3月有得睇。
正籌備《葉問 3D》的黃百鳴表示：「我相信王家衞 嘅美學風格同我 哋 嘅完全唔同，我 哋會著重實打。」即係曲線提醒你，丹爺至係宇宙最強。
黄百鳴大讚偉仔做得好，過年後會跟甄子丹傾《葉問 3D》有乜可突破。
《一代宗師》上映 3週票房近 2千萬，偉仔上週四出席慶功兼謝票。
留言列表
{{ article.title }}
