FBI
冧茵媺 咀庭欣 戲屎「男二」洪永城狂 NG
永城連環咀庭欣
雖然套劇由「煎 pang」孭飛，但洪永城戲分唔少，劇中佢飾演一名甜品師傅，同陳茵媺係青梅竹馬，雖然性格戇直，但就勁有女人緣，經常有女埋身。
上週五及週日， FBI喺上環發現洪永城同孖陳港姐冠軍陳茵媺及陳庭欣拍外景。 FBI所見，第一次拍劇嘅洪永城，同陳茵媺就算拍隊啤，甚至食雞蛋仔嘅簡單場口都緊張到狂 NG，到同陳庭欣拍咀戲時更加騰雞。起初洪提議用鏡頭就位就當係錫咗，點知拍出嚟導演覺得唔自然，於是要求 2人真錫，點知洪因太緊張，最後拍足 4次導演先肯收貨！咦，不過 FBI聽講佢平時溝女唔係咁㗎喎！
掃背脊
上週五晚，洪永城孖住陳茵媺拍坐樓梯傾心事，其間洪永城因多次講錯對白，搞到陳茵媺忍唔住笑。而呢一幕茵媺飲醉，洪永城就掃吓佢背脊呵番，表現算合格！
繑晒手
之後劇情講到二人飲到半醉，洪永城剝咗件褸唞一唞，其間陳茵媺就繑住洪永城手，搞到佢周身唔自然。
溝唔掂
雖然洪永城做慣主持，但唔等於識背對白。當日一句台詞「一日到黑」，洪永城講咗 5次都講：「一日到夜」，結果又 NG，單係拍呢場隊啤傾心事戲都拍足一粒鐘。
洪永城同陳庭欣更有一場咀嘴戲，但因洪永城緊張到硬過蠟像，最後要 NG咗 4次先拍完，之後陳庭欣仲笑住寸：「錫到你個嘴都乾晒！」
埋位前，導演先講清楚點拍，其間陳茵媺同陳庭欣一早明晒仲自己對稿，而洪永城仲望住份稿係咁咪，一頭霧水咁款。
30歲嘅洪永城當年效力有線時已是余詠珊愛將，去年余入主 TVB任綜藝科總監，即叫埋洪永城過檔，仲幫手搭路拍劇，明捧自己友。
全站熱搜
留言列表
{{ article.title }}
