Beauty Hunt
Robynn& Kendy 正能量
紅爆網絡的唱作女子組合 Robynn& Kendy，上年正式出道後，去年尾在樂壇頒獎禮攞到唔少新人獎，算交到功課。
Robynn（葉晴晴）與 Kendy（孫曉慧）默契十足，還以為兩人自細相識，但原來兩人由認識至合作，只有兩年時間，合拍只因大家都是外國留學背景相近。
Robynn& Kendy夠人氣，但兩位女生就話有時啲人仲未分到各自的名字。「其實好易記咋嘛，短頭髮係 Robynn、長頭髮係 Kendy。」記住啦！
Profile
葉晴晴 Robynn
年齡： 26歲
學歷：美國西北大學，主修心理學
最愛音樂人： Jason Mraz、盧廣仲
Profile
孫曉慧 Kendy
年齡： 26歲
學歷：英國倫敦經濟學院，主修經濟系
最愛音樂人： Eva Cassidy、 Lisa Ono 
最初 Robynn與 Kendy各自活躍於 YouTube分享自己的個人作品。最近放上 YouTube的新作，翻唱了梅姐的〈似水流年〉亦有 12多萬點擊；最勁的一首〈思念是一種病× Where Is The Love〉點擊率更高達 130多萬。
兩個女生一動一靜，短頭髮的 Robynn反而文靜， Kendy卻開朗，不過兩女的音樂造詣同樣相當高，由鋼琴到結他全部精通，閒時兩女愛在家中寫歌多於行街 shopping。「平日我哋鍾意去 cafe，同朋友傾吓偈，諗吓靈感多過行街，創作靈感來自生活上題材。對於我哋創作嘅每一首歌都好似一篇日記，記錄當時嘅心情！新一年希望有更好成績，創作更多可以打動人心嘅歌啦！」
治療自閉兒童
短頭髮、眼大大的 Robynn， 15歲獨自到美國升學，直至 08年先返港擔任兒童行為治療師。
Robynn話：「我喺美國讀大學時主修心理學，畢業後返嚟喺一間自閉症兒童訓練中心做咗 3年行為治療師，之前一直都有喺 YouTube分享自己作品。識咗 Kendy後，發覺好難搵到個有共同理念、性格、聲線都好夾嘅 partner，所以一齊放低身邊所有嘢，專心製作我哋嘅音樂！我最想同閻奕格合作，本身同佢已經係 friend，加上我哋一早講好，有機會我會為佢作一首歌！」
Robynn& Kendy喺今年樂壇各大頒獎禮上獲得不少新人獎，其中商台頒獎禮上更奪得叱咤「生力軍金獎」。
作曲紀念男友
而每次笑得好燦爛、留長髮的 Kendy，同樣 15歲就到英國留學，更試過在街頭賣唱。
Kendy說：「大學時期我修讀經濟科，之後半年轉讀音樂課程，嗰時喺倫敦好悶又冇朋友，買了支結他自學，憑住支結他識到好多朋友，後期我就一路 keep住喺倫敦街頭賣唱，之後做過經濟資料搜集員，不過最鍾意都係音樂。入行前我都有拍拖，不過最後因為大家嘅理念唔同，加上我冇時間陪佢而和平分手，之後寫咗首歌〈或許〉，用嚟紀念呢件事！」 
留言列表
{{ article.title }}
